Grandes fiestas en Sigüeya pa dicir adious al branu

Beilles, orquestas y misas nesti llugar cabreirés pa celebrare esti vienres, sábadu y diumingu las fiestas n’honor al Cristu

Cartel de fiestas

Cartel de fiestas

Esti vienres 16 de sanmiyiel principian pula ñueite las fiestas n’honor del Cristu cun una Discoteca móvil.

El sábadu 17 pula mañana va haber pasacalles cuna charanga “Los Bercianos”, y despuéis a las 13:00 horas Santa misa y precesión que va siguir cun un beille vermú a cargu tamién de la mirma charanga “Los Bercianos”. Pula tardiquina y ñueite la orquesta “Son d’orquideas” pondrá la música y amenizará lus beilles.

El diumingu día 18 pula mañana va haber Santa misa y precesión que va siguir cun un beille vermú cuna charanga “Los Amigos”.

Las personas que visiten Sigüeya pueden visitar la igresia dedicada al Santu Cristu, cun airosa espadaña y situada no cimeiru de la cuesta del terrenu. Esti puebru sufriéu escavaciones auríferas romanas nas rubias tierras del Torniellu, del Ñaval, de la presa del Rial, etc. y tien minas de cobre nas cercanías de la Degollada, y de fierro nas Casales, y activas canteiras no Rigueiru del Rial, y minas de pizarra en La Escrita. No paraxe denomináu El Castru hai restos d’un castru ou corona cun un pozu inclináu contra’l Matu de carbayus, dándose la coincidencia de que nesi Matu una especie de túnel xube hacia El Castru. Y no Matu de Las Cuartas, na llomba chamada El Castriellu, on pueden vese y tocar lus brancus xeixus de cuarzu que conforman un cuadráu, posible base ou llizaza d’un castiellu.

Deja un comentario

Tu dirección de correo electrónico no será publicada. Los campos obligatorios están marcados con *