Grandes fiestas n’honor a Santiago en Trabazos

Nus próximus días 25, 26 y 31 de santamariña Trabazos va rindir homenaxe al Apóstol ñacíu na Galilea xudía

trab

Cartel de fiestas de Trabazos

Situáu nuna altura de 1.155 metros, Trabazos yía un llugar cun gran devoción al Santu Apóstol, yá qu’esisten dúas imáxenes de Santiago: una, la que se saca en precesión, talla de madeira de tosca ellaboración, cun concha de pelegrín y actitú de “matamourus”; la outra, chamada “Santiago’l Vieyu”, dientru d’una hornacina, de madeira policromada y comida pula termita, qu’ía de factura delicada.

De Trabazos tampouco podemos esquecer lus tres barrius que tien: “Picu Llugar” el más altu, “Fondu Llugar” el más baxu, y na metá, “La Canal” cuna armita del Cristu; El sentíu de pertenencia a lus barrius foi históricamente bien fuerte, teniendo cada unu’l sou propiu beille y el sou seranu nas ñueites d’enviernu.

Nesta oucasión tamién habrá beilles y música asgaya pa la fiesta. El llunes día 25 va clariar cuna alboriada y lus sones de lus pasacalles, que van siguir cuna Santa Misa y precesión n’honor a Santiago, y despuéis cuno beille vermú. Pula tarde, a partir de las 19:00 horas el beille va dir pur cuenta del Dúo Harmonía Musical.

El Martes 26 va celebrase una misa n’honor a Santa Ana.

Y pa rematar estas fiestas, el diumingu 31 volverá haber beille a partir de las 19:00 horas cuno Dúo Gala.

Deja un comentario

Tu dirección de correo electrónico no será publicada. Los campos obligatorios están marcados con *