Homenaxe a la fiya adoptiva de Cabreira

Cartel anunciador del homenaxe.

La etnógrafa y filóloga Concha Casado va recibir mañana en Trueitas una recuñecencia póstuma pul sou llargu llabor en favor de la cultura cabreiresa

L’actu, que se va celebrar mañana 1 de santamariña a las 12:00 horas na Biblioteca Municipal de Trueitas, va axuntar a las autoridades del Ayuntamientu de Trueitas y a las asociaciones culturales cabreiresas, quien van oufiertar un sentíu homenaxe a la que ye fiya adoptiva de Cabreira dende 1995 pula sua contribución al estudiu y divulgación de la cultura y tradiciones llionesas.

Concha Casado amostróu dende bien moza la sua pasión pur Cabreira. Ñaciéu no senu d’una familia llionesa procedente de Pobladura de Pelayo García dedicada al comerciu del testil. Estableciéuse na capital llionesa peru tamién tenía rellaciones familiares maternas cun Cabreira y Zamora. Ye la pequeña de cinco hermanos y recibiéu las primeiras lletras no colexu de las ‘Hermanas Carmelitas de la Caridad’, siguiendo’l sou ciclu formativu no que ñestoncias yiera l’únicu Institutu de Sigunda Enseñanza de Llión. Rematóu en 1937, fecha na que fizo llabores d’enfermería en Llión.

Concluyida la Guerra Civil en 1939 marchóu pa Madrid a cursar Filosofía y Lletras. Viviéu na afamada Residencia d’Estudiantes hasta la sua llicenciatura, recibiendo crases de profesores de la importancia de Rafael Lapesa en Llengua, Diego Angulo n’Arte y, fundamentalmente, Dámaso Alonso, quien dirixiéu’l sou doctoráu y la sua tesis en 1947, “El habla de la Cabrera Alta”. Un trabayu de campu de seis meses en Cabreira, executando’l métodu filolóxicu etnográficu ‘Palabras y cousas’ de la Escuela d’Hamburgu, onde la influencia de Dámaso Alonso y de Menéndez Pidal, lo mesmo que del sou compañeiru Julio Caro Baroja marcoron, sobremaneira dende la perspectiva d’una muyier na España de posguerra, un feitu importante y absolutamente crucial.

A esto siguieron una serie d’ésitos y trabayos que formoron parte d’una intensa carreira cuna que puxo en valor la cultura cabreiresa y llionesa. Amás, contribuyiéu a la cuñecencia, estudiu, salvaguarda y esparcimientu de las señas de la identidá llionesas.

La obra de Concha Casado céntrase fundamentalmente en tres décadas, dende la década de los 70 al 2001 siendo a partir de la sua xubilación cuando Concha Casado estuvo más activa no tocante a la producción d’artículos y estudios. Las materias de mayor tratamientu de las suas publicaciones tratan sobre etnografía y hestoria; entre outros temas destacan los de la llabranza, aperios, alfarería, arquitectura, artesanía, cerámica, ceremonias, curtíos, dialectu, folclore, traxes y roupa tradicional, forxa, xoyas, relixosidá, ramos, ritos, y sobre los monesteriu de Carrizo, d’Otero y de Nozales.

Toda la rellación d’estas publicaciones puede atopase na Revista Tierras de León y na páxina d’Internet de la Fundación Saber.es cuno títulu “Concha Casado Lobato: Aproximación bibliográfica a una etnógrafa leonesa”.

 

Deja un comentario

Tu dirección de correo electrónico no será publicada. Los campos obligatorios están marcados con *