II Escursión cuñoz la tua comarca: Las Rubias – Corporales


Cartel II EscursiónNesta segunda escursión vamos tener el llugar d’alcuentru a las 10:00 de la mañana d’esti diumingu na armita de la Virxen de las Ribas de Corporales, puebru onde se guarda la más pura hestoria cabreiresa. Nél atópase una corona prerromana, castru y palaciu romanu, canales romanas y restos arqueolóxicos d’abonda importancia

Pero nesta oucasión estaremos centraos nel mesmu puebru pa dir ceu al Palaciu de las Rubias onde atoparemos cun las primeiras esplotaciones mineiras baxu’l Picu Talenu.

Nesta zona de Las Rubias atopáronse dalgunos asentamientos romanos asociaos a las llabores romanas, unu de los cuales, bien destruyíu yá, foi apicáu por C. Domergue al principiu los años 80. Destacan, primeiro de todu, las paredes macizas de las distintas cortes, de pranta retangulare, rematando dalgunas d’éstas a xeitu semicirculare. Esisten de diversos cachos de material cerámico, entre eillos diversos elementos xeométricos del suelu las casas.

Volveremos los ñuesos pasos p’atrás pa parar a cumer a las 13:30 nel Bar Coruxo de Corporales. Cun la fín d’acutar pa la cumida, va ser necesariu chamar al 649 19 17 63 (Iván) antias del 3 de deciembre. Despuéis del almuerzu, xubiremos al castru del Palombar ou d’Encimalafuente, al oeste’l puebru. Esti castru mineiru, foi ocupáu dende los postreiros años del siegru I a. C. hasta los primeiros años del siegru II d. C.

Dende eillí baxaremos en dirección a Peñaguda, qu’ía’l puertu dende onde se ve Cabreira Baxa (Llousada y Ribeira), y onde s’aprecian a xeitu los cortes trasversales que las canales romanas facen nel monte, sobre todu la segunda más llarga de l’antigüedá cun una llargura de 143 Km que chega arrodiando las lladeras cabreiresas, hasta cerca’l Llagu de La Baña.

Vamos caminar un par de kilómetros sobre la canal para volver a Corporales purcima’l puebru. L’interés d’esti tramu de canal yía que facia un tresvase de cuencas, recoyendo las auguas del rieu Eria (cuenca del rieu Dueru) nel barriu de Pedrosa, y devolviéndolas, al traviés de la mina d’As Médulas, a la cuenca’l rieu Sil.

Pouco despuéis de pasar pur la zona alta del puebru, en dirección al arroyu de la Manzanal, atopanos cuna Corona, puebru prerromanu d’unos 500 metros cuadraos y 200 personas de la mirma familia. Nesta oucasión, acompáñanos el Doctor en Xeología Javier Fdez. Lozano. Amentar qu’esta escursión yía gratis y solu págase la comida de cada unu.

Deja un comentario

Tu dirección de correo electrónico no será publicada. Los campos obligatorios están marcados con *