II Kilómetro Vertical Nocturno Solidario de montaña «El Malicioso»

El próximu 30 d’Abril será’l II Trail Nocturno Solidario de montaña «El Malicioso» 2016, que va tener la finalidá de recoyer donaciones pal Bancu d’alimentos de Cruz Roja y Caritas

maliciosu2

Carreira solidaria d’El Malicioso

L’ascensión a la llaguna El maliciosu está organizada pol Teleno Trail Team, la sección de carreiras pol monte del Club Teleno, que vuelve apostar por esta novedosa actividá na cara norte del Vizcodiellu.

La llaguna El maliciosu, yíe una fonda masa d’auguas escuras que s’atopa nún aveséu, porbaxo d’una gran parede de roca. L’ascensión por esti llugar hasta’l cumbre del Vizcodiellu yíe quiciás una de las más complicadas d’esta zona yá qu’el trayectu está chenu de regatos y pequeiñas cascadas.

El pistoletazu de salida del II Kilómetro Vertical Nocturno Solidario de montaña «El Malicioso» va dase’l sábadu 30 d’Abril a las 21:30 horas desde l’aparcamientu del Llagu de Truitiellas y la chegada va estar a 2122 metros no picu del Vizcodiellu, cun 1000 metros de desnivel y 9 kilómetros de distancia.

La prueba, onque nun va ser competitiva, va estar cronometrada y  abalizada cun material reflector y/ou lluces LED. Tódolos participantes van estar obligaos a cumplir cuno reglamentu, van llevar dorsal y tendrán d’estar federaos en monte pa poder participare.

Por motivos de seguridá y d’organización nun van poder participar más de 100 corredores. Pa los ganadores va haber premios consistentes en material deportivu de monte, y a tódolos participantes va agasayáse-yos cun un protector de gorxa tipu buff, chocolate a la taza de Santocilces, bizcuechos de Soletilla y Imperiales Alonso.

El dineiru recaldáu cunas inscripciones (que va ser de 5 euros por participante) va donase na sua totalidá al Bancu d’alimentos de Cruz Roja y Caritas. Tamién va haber la posibilidá, pa quien asina lo deseye, de facer una donación mercando un “Dorsal 0”. Nesti casu tendrá de facese un ingresu na cuenta del Club Teleno (ES84 3085 0071 38 2372037610  de Caja Rural de Zamora)  señalando no conceptu del ingresu “Donación Dorsal 0 Malicioso Solidario”.

Pincha eiquí pa facer la inscripción a la carreira (26 d'abril últimu día)

Deja un comentario

Tu dirección de correo electrónico no será publicada. Los campos obligatorios están marcados con *