III Cursu d’iniciación al llionés

L’Asociación Cultural Faceira vuelve oufiertar pur tercer añu consecutivu un cursu de llengua asturllionesa basáu principalmente nos dialectos tradicionales de Cabreira y Ḷḷaciana

iii-cursu-iniciacion-lliones-faceiraRetomando la buena aceptación que tuviera esti mirmu cursu nos dous postreiros años, esta asociación cultural llionesa vuelve oufiertar la terceira edición del “Cursu d’iniciación al llionés” que se va impartir na capital llionesa.

El cursu va tratar tanto la llingüística cumo outros aspectos rellacionaos cuna llengua llionesa, cumo pueden ser la lliteratura, la hestoria, la cultura tradicional ou la toponimia. Las crases van cuntar cuna ayuda de materiales didácticos y d’estudiu entre los que s’atopa’l manual de deprendizaxe “Falar con xeitu“. Esti manual tien exercicios y exemplos asgaya, y foi publicáu pula mirma asociación l’añu pasáu.

Yía dignu d’amentar que todu’l material y las mirmas crases van ser impartidas tomando cumo base los dialectos llioneses de la provincia onde on quedan falantes patrimoniales y onde la llengua on se mantien cun relativa vitalidá: referímonos al cabreirés, al bercianu y al ḷḷacianiegu. Trátase pur tanto d’una buena oucasión pa quien quiera adquirir una abonda base de cuñocencia y quiera acunchegase a la rialidá que la llengua asturllionesa tien en Llión.

Quien estía interesáu en matriculase puede facelo al traviés del corréu electrónicu de Faceira (asociacionfaceira@gmail.com) ou inscribiéndose directamente no centru de formación onde se van impartir las crases, Skala Formación, na ciudá de Llión. La matrícula tien un costu de 40 €, y neilla están incluyías tanto las 48 horas de crase presencial cumo todu’l material lectivu que se va utilizar no cursu. Recordámosvos que’l prazu pa matriculase remata’l próximu 31 d’outubre.

Eiquí amostramosvos toda la información relativa al cursu:

  • LLUGAR: Skala Formación, calle Jorge de Montemayor 6, Llión.
  • HORAS LECTIVAS: 48.
  • FECHAS Y HORARIOS: Los vienres de 17,00 a 19,00 horas desde’l 4 de noviembre hasta’l 5 de mayu.
  • PRECIU: 40 €.
  • PRAZU D’INSCRIPCIÓN: Remata’l 31 d’outubre.

Deja un comentario

Tu dirección de correo electrónico no será publicada. Los campos obligatorios están marcados con *