La Cabreira más solidaria: La vara los probes

Colás

Colás

Yá lu diz el refrán castellanu: “El caminante pobre no teme a los ladrones”, purque pouco tendría que da-yes.

Pula ventana de ‘los inolvidables’ de la ñuesa memoria colectiva pasan dalgunas veces aqueillos personaxes que pula sua miseria material deixorun marca na alcordanza de las xentes cabreiresas. Yieran cabreireses sin bienes materiales, pero forun quién a ganase’l lleitu onde durmir pur una ñueite, la cena cuna que calecer el banduyu, y el ñuesu recuerdu pur siempre.

Y falando de vidas duras yíe imposible nun falar de la ñuesa comarca, chena de personaxes escepcionales, de tódolos tipos, dende’l reloxeiru Losada, emigrante forzosu y creyador del reló más famosu del país, el de la Puerta del Sol de Madrid, al famosu ‘Bandoleiru d’Oumaña’, al que-ye faltaban dous deos, cumo al sou ‘antecesor’ Antonio B. ‘El Rusu’, outru mitu de la comarca.

Pero se falamos de probes y de las costumes de buena voluntá de los conceyos, unu de los personaxes qu’aparez nesa ventana del recuerdu yía Colás, ñacíu en Castriellu, ‘Colasicu‘ cumo lu chamaban dalgunos vecinos. Diba sin una dirección esacta, d’un llau pa outru pulos puebros, caminando pul mundu. “Nun se perdía nenguna fiesta, y cúmo-ye facíamos de rabiare…” confiesan mueitos cabreireses al ver ora la sua fotografía. Cun cara engurrubitada y cun un cuerpu menudín, corría detrás de los rapaces despuéis de qu’estos-ye ficieran burlla pulas suas feyas muecas.

Y yíe que Colás siempre atopaba cama pur cuenta d’una costume bien enrayizada nos ñuesos puebros y en toda la provincia llionesa: La vara los probes.  Ésta nun yiera más qu’una vara, una tabra ou inclusive una cruz que, corriendo pur velía a cada familia, recordába-yes el deber d’estos vecinos de dar de cumer y durmir a los probes que pasaban peillí. D’esti xeitu, el probe que solía chegar pula tardecina y chevaba nel zerrón patacas y dalgún cachicu pan cumo llimosna, sabía bien en quéi casa tenía de pidir cena y lleitu.

Cenaban cuna familia y solían ser de la mesma comarca, cumo Colás. Vecinos de los ñuesos puebros cúntannos que’l  llugar más común onde durmir yiera nas cortes ou nos payares. Cuando’l méndigu marchaba d’una casa, indicában-ye a qué outra familia tenía de llevar la vara, pa que-ye dieran el mesmu serviciu al outru día.

Vara de los Pobres de Villaquilambre

Vara los Probes de Villaquilambre

Mueitas d’estas varas fórunse perdiendo cunos años, a pesar d’eillo, las familias sentían la responsabilidá d’atender a esta probe xente y mantuvierun durante un tiempu esta tradición. Se la ñueite rondaba cerca, el probe diba onde l’alcalde ou’l presidente’l puebru que-ye dicía en qué casa tendrían de da-ye lleitu pa dormire.

L’orixe d’esta tradición yíe inciertu. Vicente Flórez de Quiñones, gran investigador del dereitu consuetudinariu llionés, apuntaba una posible enxendra medieval d’esta costume porque dalgunos fueros locales (Avilés y Uvieo, que rialmente son adaptaciones del de Sahagún) y outras disposiciones, regulan prestaciones vecinales que podrían rellacionase cuna ñuesa costume. Pero que nun apareza más qu’en Llión y nou nos territorios que rayan cumo Galicia, Esturias ou Castiella, puede dar a que tenga outru orixe. Esisten al día de güei mueitas amuestras d’ordenanzas conceyiles de Llión que regulan esta prestación, y que nun aparecen n’outros llugares. Un exemplu d’estas ordenanzas son las de Rufriyu de 1702, onde n’unu de los sous capítulos recueye esta obligación.

Va tiempu qu’esta costume yá deixóu de facese nos ñuesos puebros, y onque sigamos siendo un puebru humilde, mudorun mueito las cousas y la ñuesa maneira de ver la vida. Anguaño deixamos esti antiguu serviciu solidariu a las asociaciones nou gubernamentales cumo Cáritas ou’l CEAS de La Bañeza. Ésti últimu, atiende a 23 conceyos, qu’axuntan 82 aldeyas. El sou llabor chega a una pobración que ronda los 28.000 habitantes.

El CEAS fa un importante llabor en materia de dependencia, dando serviciu a personas mayores ou cun problemas de movilidá que piden ayuda pa siguir faciendo la sua vida na sua casa cun normalidá. Amás, coordina la prevención en drogodependencia al traviés de formación cun adolescentes y oufierta información de los programas del Ministerio de Sanidad, Servicios Sociales e Igualdad y de la Junta de Castilla y León dirixíos a las personas mayores.

Deja un comentario

Tu dirección de correo electrónico no será publicada. Los campos obligatorios están marcados con *