La cabreiresa Dori Barrio finalista no Certame Lliterariu La Caleya 2015

La entrega de premios d’esti yá clásicu certame de llengua asturllionesa, fízose ayer a las 19:30 horas na Ergástula d’Estorga, despuéis d’un conciertu de cámara interpretáu pulos alumnos del conservatoriu Ángel Barja

Dori Barrio na entrega de premios

Dori Barrio na entrega de premios

Nun yía la primer vez qu’un cabreirés llogra un premiu nesti certame, pos yá lo ficiera van unos años el bañés Jonatan Rodríguez Bayo en dúas oucasiones. Esta vuelta foi la vez pa la marrubiesa Dori Barrio González, que quedóu nún bien dignu segundu puestu, sobre todu se tenemos en cuenta l’altu nivel lliterariu qu’esti certame consiguiéu nos postreiros años. Tenemos de recordar tamién que Barrio cunta con una respetable trayectoria cumo defensora del patrimoniu llingüísticu cabreirés.

El sou relatu, tituláu “Debaxu la parra”, cunta la hestoria de dous golicos, qu’en teniendo que pasar mueitos años sin vese por cousas de la vida, y allonxaos del lugar onde ñacieran, las suas vidas vuelven a cruciase y aproveitan la oucasión pa cuntase cúmo yía la vida d’ora.

Entrega de premios del certame

Entrega de premios del certame

Nesti certame lliterariu de l’Asociación Cultural La Caleya el primer premiu foi p’Alejandro Díez González, natural de Torenu, con una guapa obra titulada “Moura”.

El tercer premiu viaxóu hasta las ñuesas tierras hermanas de Tras-os-montes, na localidá Pertuguesa de Miranda de Douru, y foi p’Alfredo José García Cameirao pola obra “Buracas de gambuzinos i outras malzinas.

Y finalmente, el cuartu premiu foi compartíu entre l’asturianu d’Arnao, Yose Álvarez Mesa, pol relatu “Casa Dolfu”, y el llionés d’Ordás, Jose Ignacio Suárez García pola obra “Sebrinu el mieu vecín”.

Desde esti periódicu queremos dar la ñorabuena a tódolos participantes, al xuráu compuestu por Pablo Rodríguez Medina, José Alfredo Hernández Rodríguez y Antonio Barbolo Alvez, Y por supuestu, a la asociación La Caleya y al Ayuntamientu d’Estorga por deixar qu’esti certame seya una rialidá y pueda dar voz a la ñuesa llengua. Gracias.

Deja un comentario

Tu dirección de correo electrónico no será publicada. Los campos obligatorios están marcados con *