La Cuesta celebra las fiestas de San Pedro

Beilles, orquesta, gaiteirus y misas nesti llugar de Cabreira l’Alta pa festexar esti sábadu y diumingu las fiestas n’honor a San Pedro

Cartel de fiestas de La Cuesta

Cartel de fiestas de La Cuesta

Mañana sábadu día 30 de santamariña principian las fiestas de San Pedro en La Cuesta cun un beille al cargu d’una gran orquesta.

El diumingu día 31 pula mañana va haber Santa misa y precesión que va siguir cuno vermú y l’actuación de lus Gaiteirus de corporales.

Dalgunus datus d’interés sobre La Cuesta

Está sobre una empicada lladeira a 1185 metros y tien bien conservada la sua arquitectura tradicional. El sou nome medieval foi “Quintanilla de Arriba” ou “de La Cuesta”, onde l’alministrador romanu de las esplotaciones auríferas estableciéu la sua residencia ou quinta qu’estaba situada nun llugar chamáu San Bresme, en dirección a Cunas, onde güei podemus ver las murias del vieyu castru y d’un fosu que lu arrodiaba pul norte, única zona sin defensa ñatural. La mano d’obra indíxena de la zona trabayóu pa la construcción de las canales que llevoron augua a As Médulas, y tamién en minas qu’estaban xunto a lus rieus Cabreira y Eria baxo las directrices de lus inxenieirus de Roma y la supervisión del “Procurator Metallorum”, representante del emperadore, cun see n’Asturica Augusta (Estorga), capital de todu’l Conventus Asturum, y que tamién podía estar destináu nuna determinada esplotación aurífera ou “metalla”.

Deja un comentario

Tu dirección de correo electrónico no será publicada. Los campos obligatorios están marcados con *