La Cuesta va recuperar el ramu tradicional cabreirés

Nuevo Ramo de La Cuesta

Nuevo Ramo de La Cuesta

L’asociación cultural Trimuella d’esti llugar cabreirés, va recuperar esti diumingu la oufrienda del ramu a la Trinidá, tradición que se realizóu pur última vez nu añu 37, y que nesta oucasión va ser cantáu pula agrupación de música tradicional “Aires del Cabrera”

Se pudiéramos tornar nu tiempu unus 100 añus p’atras, y caminar pulus numarosus puebrus y participar nas suas fiestas, veríamus cun sospresa que la costume de la oufrienda del ramu estaría dafeitu viva y imperante. Peru on yíe mueitu más chamadeiru qu’esta tradición on se mantienga nu territoriu de lu qu’antias foi’l vieyu Reinu de Llión y sobremaneira na provincia llionesa a la chegada de la Ñavidá.

Emociona contemplar el pasu’l ramu, precedíu pul oufiertáu y lus sous achegaus, que celebran cun allegría la salida d’una terrible enfermedá ou, pur dar las gracias a Dious pur poder llibrar de la muerte a aquel fiyu, despuéis d’un mal accidente, onque perdiera nél parte de la salú.

La oufierta ou la entrega d’un ramu cumu signu d’almiración remóntase a lu menos a lus tiempus romanus, cuando se coronaba cun ramus de lloureiru a lus ganadores de batallas ou competiciones deportivas. La entrega d’un ramu foi tamién símbolu d’entrega d’autoridá y posesión pa lus puebrus xermánicus d’antias.

Nuna visita al muséu etnográficu de Varsovia atopamus cun imáxenes d’una oufrienda de ramus de 1973, fecha’l día de la fiesta de L’Asunción (15 d’agostu), al terminar la culleita. Las semeyanzas cunas oufriendas que se facen na ñuesa tierra son notables: el ramu está feito cun espigas d’un cereal, yíe portáu n’andas pur cuatru muyieres, outras aguantan cintas que cuelgan del cumbrial del ramu, todas eillas visten el traxe tradicional de la zona. N’outra fotografía aparecen rapaces y rapazas delantre’l ramu oufiertando panes. La evidente semeyanza cunas ñuesas oufriendas de ramus de Cabreira deixa poucu marxen a la dulda. Trátase evidentemente del mirmu ritu practicáu pur una comunidá distante unus 3.000 Km. de la ñuesa.

Ramo Truchillas

Ramu de Truitiellas

Desplicar las razones de la presencia del mirmu ritu en culturas tan allonxadas requier un estudiu abondu peru, nuna primer impresión, podemus prantear dous hipótesis de partida: ou bien se trata d’un antiguu ritu romanu, divulgáu pul Imperiu nus sous distintus dominius, ou foi la igresia cristiana la que, asimilándolu cumu tantas outras cousas, lu estendiéu despuéis. Resulta creyíble rellacionar estus ritus cunas “Cerialias”: ceremonias y festexus propius del cultu a la diosa Ceres, entre lus romanus, ou a la sua equivalente griega “Demeter”, entre lus griegus. Durante estas celebraciones, el puebru chegaba al santuariu tras un sacrificiu de tourus, onde la sua xixa s’oufiertaba a la diosa xuntu cun cera y dulces, portaus pur vírxenes, pa pidir que cuidara de la tierra y las sementeiras. Entre aqueillas oufriendas figuraba’l “calathus”, un cestu grandón chenu de tortas y dulces feitos con fariñas de distinta ñaturaleza y procedencia, de xeitu asemeyáu a lu que güei se fa cunas oufriendas de ramus.

Nuna época na que tienden a deixase tódalas prácticas tradicionales, atopamus cun un ritu, qu’a lu menus, nu llugar de La Cuesta reñaz, despuéis d’añus d’olvidu, en concretu 79 añus nesti piqueiñu puebru cabreirés. La postreira vez que s’oufiertóu’l ramu foi tamién a la Trinidá y pur Ángel Miguelez, que volviéu sanu y a salvu de la guerra civil y eiquí recoyemos las estrofas:

Santísima Trinidad divina paloma blanca
hoy día de sacramento venimos a visitarla.
Este ramo que traemos que una devota
ha dado o ha ofrecido por su hijo en la guerra peleando
El veintiuno de Marzo cuando el sol aún no ha salido
se despidió de su madre en un abrazo querido.
No llores madre querida y reza con devoción
que yo me voy a la guerra y a defender la nación.
La madre muy afligida muy de veras le pedía
a la Trinidad divina que lo devuelva con vida.
Que si se lo protegía y para casa lo traía
le diría fiesta y ramo porque así lo prometía.
Anduvo muchos combates pero nunca estuvo herido
porque a la Trinidad divina su madre lo había ofrecido.
Por todo el frente de Asturias, Extremadura y Brunete
por celadas y Teruel siempre tuvo buena suerte.
El día once de Junio que día inolvidable
un proyectil de cañón a sus pies vino a explotarle.
La granada explosionó en el medio de su escuadra
y tan solo este soldado se ha quedado sin metralla.
En el medio el batallón oyó una voz que decía
Miguélez le toca a usted coja bandera y arriba.
Se encomendó a Trinidad y salió para la colina
plantó la bandera en la cima y a todos sus compañeros esa victoria ofrecía.
Y así termina la historia que Faustina
ofrecía por su hijo tan querido si de la guerra volvía.
Muchas gracias Trinidad por habernos escuchado
este ramo ofrecido en memoria de un soldado.

Las mozas que lu cantorun forun Teresa Lobo Madero, Ludivina San Román Miguélez, Eulogia Alonso, Rogelia Calvete y el Mayordomu foi Delfín Carbajo.

Yíe chamadeiru qu’esistiendo en toda España la tradición d’oufiertar bienes y productus de la tierra a lus santus patronus, seya casi puramente no antiguu reinu de Llión onde esa oufrienda se fa on cuna de lus ramus. Estus ramus yieran, cumo’l sou ñome diz, cañas ou árboles piqueiñus de lus que culgaba una cesta cun oufriendas, ou que bien, llevaban éstas culgando directamente de la ramasca. Más tarde, forun evolucionando y faciéndose más sofisticaus, cumu se va describir más palantre.

Ramu de Lousadiella

Ramu de Lousadiella. Foto: Miguel y Puri

Güei, lus ramus mudan d’unas zonas a outras del vieyu reinu y inclusive d’unas aldeyas a outras, dándose la paradoxa de que mueitus ramus d’ora nun tienen de ramu más que’l ñome y oufiertan las formas y representaciones más variadas. En toda Cabreira y curiosamente na zona oriental y en mueitus puebrus de la zona central d’Esturies, el ramu consiste nún armazón de madeira, cun forma de pirámide, formáu pur cuatru llistones que s’unen na punta y van apoyaus n’andas, cumu las que s’utilizan nas procesiones pa llevar las imáxenes de lus santus. Esti armazón va recubiertu xeneralmente de cañas, fueyas y frores y lleva, culgando de lus llistones, roscas de pan y rosquiellas dulces principalmente.

El ramu vistíase de distintas maneiras dependiendo de la oucasión en que s’oufiertaba: Se yiera pa cantar en Ñavidá, el ramu vistíase cun llazus, candelas, y cun dous pañus d’oufrienda colocaus n’andas; y se yiera pa oufiertar a una virxen, poniánse unas frores nu altu del ramu que se vistía cunu mantón de la virxen y dous pañus d’oufrienda nas andas, alantre y pur detrás; se yiera pa outru santu sustituyíase’l mantón de la virxen pur mantones de manila, cobertores, pañus y pañuelus. N’oucasiones poníanse-ye cuatru roscas de pan nas andas que despuéis se subastaban.

Ramu de Manrubiu

Ramu de Manrubiu

Lus ramus son trasportaus pur cuatru mozas. Pueden ser oufiertaus pur todu’l puebru, pur una aportación anónima, ou bien pur cualesquier persona ou grupu, cumu cumplimientu d’una promesa. El día de la fiesta sale’l ramu de la casa onde s’oufierta ou del barriu que lu paga, y yíe lleváu a la igresia. Yíe nesti intre cuando queda a la entrada la misa, asperando al oufertoriu, y el mayordomu qu’acompaña a las cuatru mozas pide entrar na igresia. Ñestoncias el cura sal a la puerta, da’l sou permisu y el ramu entra oufiertáu y cantáu pulas mozas que lu trasportan. Despuéis de la misa vuelve llevase’l ramu en procesión y queda asitiáu, xeneralmente, no llugar onde va ser subastáu.

Las lletras mudan tódolus añus y cun cada oufrienda, onque hai estrofas que se repiten ou s’usan en ñuevas oufriendas de Ramus. Termina la fiesta cuna subasta de lus panes y outras oufriendas que l’acompañan onque nun formen parte del ramu, (llacones, pollos, coneyos, productus de la güerta etc.). Púyase sigún la costume y, en dalgunus casus, mantiense la fórmula d’antias. Lu que se saca de la subasta, va sirvir en parte pa pagar al cura, sufragar la fiesta del añu próximu ou arregrar la capiya’l Santu.

Cartel

Deja un comentario

Tu dirección de correo electrónico no será publicada. Los campos obligatorios están marcados con *