La Diputación va distribuyir «El Juego del Bibliobús» entre lus escolines cabreireses

Esti xuegu va descubrir a lus más mozus l’almirable llabor que facen lus Bibliobuses achegándose mensualmente a lus núcleus rurales de la provincia

Xuegu del bibliobús. Foto: Diputación de León.

La iniciativa, que la Diputación de León bautizóu cuño ñome de «El Juego del Bibliobús», va sirvir pa fomentar esti serviciu entre lus rapaces de lus distintus llugares de la provincia, pa qu’asina cuñozan el sou funcionamientu y puedan aproveitase d’él. Yía un xuegu de mesa no qu’amás de dar a cuñocer las normas fundamentales del bibliobús ou qué personas intervienen no sou procesu, inclúye tamién mueitus llugares de la provincia, llugares emblemáticus de lus ñuesus puebrus, monumentus y valores de la cultura inmaterial llionesa.

Lus concursantes, que van tener unas fichas cuna reproducción en relieve del logo de lus bibliobuses, salen de la cocheira, cadagunu cuno sou bibliobús, cuno obxectivu de chegar al sou puebrín a facer el serviciu bibliotecariu encomendáu. Pul caminu van atopase cun personaxes tan importantes pal buen términu d’esti serviciu bibliotecariu cumu’l carteiru, la mayestra, la ma ou l’alcalde; van pasar pur monumentus tan cuñocíus cumu As Médulas ou San Miguel d’Escalada, van pasar pur paisaxes cumu Lus Picus d’Europa ou’l Caminu de Santiago, van coincidir cun valores de la ñuesa cultura tradicional cumu lus bolus ou la lluita llionesa…

Tamién se van atopar cun trampas y penalizaciones, cumu’l feitu de tratar mal lus llibrus, nun devolvelus a tiempu ou sufrir avería’l bibliobús, peru tamién cun premius que lus van facer adelantrar puestus nuna mirma xugada, cumu cayer nus múltiples bibliobuses qu’estarán pur todu’l tabreiru, que premian al xugador avanzando hasta’l más cercanu diciendo esti estribillu “De este bibliobús al siguiente y tiro para llegar a más gente”.

“Nos basamos en que todas las personas, sea cual sea su lugar de residencia, tienen el mismo derecho de acceso a la cultura y, para ello, disponemos de servicios como el que realiza todos los días el Bibliobús, que presentamos en este juego  como la idea de que el bibliobús es la casa de todos, sin diferencias de edad ni de conocimientos tecnológicos”, dixo’l diputáu de Cultura, Miguel Ángel Fernández, na presentación del mentáu xuegu.

La Diputación realizóu 500 exemplares del «Juego del Bibliobús» que se van distribuyir entre tódalas escuelas de lus llugares que visita esti serviciu. Esta iniciativa enmárcase dientro de l’actual corriente bibliotecaria deñominada gamificación, que trata de las técnicas y procedimientus precisus p’atrayer y mantener a lus usuarius gracias a las actividades lúdicas.

Pur outru llau, la iniciativa tamién quier contribuyir a la renovación de dalgunus vehículus. Asina, el ñuevu bibliobús va cuntar cun tódalas meyoras técnicas, mecánicas y de diseñu necesarias, pa siguir dando serviciu a tódolus paisanus de lus llugares que tienen nél la sua única maneira de chegar a la llectura.

Deja un comentario

Tu dirección de correo electrónico no será publicada. Los campos obligatorios están marcados con *