La Fundación Oso Pardo robra un conveniu cona Xunta Vecinal de Valdaviéu

Firma del convenio en Valdavido

Firma del conveniu en Valdaviéu

La presencia d’osu na zona durante varios meses confirma la espansión territorial de la especie. Dalgún exemplar foi vistu tanto na vertiente llionesa cumo na zamorana de la Sierra de Cabreira..

La Fundación Oso Pardo (FOP) robróu ayer domingu un conveniu de collaboración cona Xunta Vecinal de Valdaviéu, perteneciente al conceyu llionés de Trueitas y situáu na comarca de Cabreira. La presencia de polo menos un exemplar d’osu na zona en distintos periodos del pasáu añu, tanto nesta pedanía cumo no conceyu zamoranu cercanu de Muelas de los Caballeros, animóu a la Xunta Vecinal a solicitar la firma d’un conveniu cona FOP. Al traviés d’esti alcuerdu, la FOP comprométese a asesorar a la Entidá Local Menor de Valdaviéu nos aspectos relativos a la defensa, divulgación y aproveitamientu sostenible del sou patrimoniu ñatural, siguiendo los prencipios de la Estratexa pa la conservación del osu pardu cantábricu (Ursus arctos) n’España, y a participar n’acciones formativas y divulgativas promovidas pola Xunta Vecinal de Valdaviéu asociadas a la xestión y conservación del patrimoniu ñatural. Pola sua parte, la Xunta Vecinal de Valdaviéu va facilitar a la FOP toda aqueilla información rellacionada cono osu pardu no sou territoriu,  conas miras d’afondar na conocencia de la especie, y va promover entre la pobración local las meyores prácticas tendentes a facilitar l’apoyu y la participación social que permita la conservación del osu y el sou hábitat. L’osu desapareciéu de la comarca de Cabreira fa cien años; la presencia d’exemplares na zona amuestra, por un llau, la efectiva recuperación del osu na Cordaleira Cantábrica, que no sou procesu d’espansión s’estiende contra áreas qu’antiguamente estaban ocupadas; por outru, pon de manifiestu la esistencia d’un hábitat apropiáu pa la especie, onque susceptible d’importantes meyoras. Desde la Xunta Vecinal de Valdaviéu pretenden realizar cono asesoramientu de la FOP trabayos d’arriquecimientu del hábitat. No actu de la firma, celebrada na Aula de la Ñaturaleza de Valdaviéu, participoron el presidente de la Xunta Vecinal, José Gallego, y el coordinador de proyectos de la FOP, José Luis García, asistiendo l’alcalde de Trueitas, Francisco Simón, y numarosos vecinos.

Deja un comentario

Tu dirección de correo electrónico no será publicada. Los campos obligatorios están marcados con *