La verbena y la música cubrirán esti sábadu la ñueite de Ñugare

Cun oucasión de la puente festiva de la Virxen del Pilare, adelántranse las fiestas de Ñugare n’honor a San Lucas a esta fin de selmana cuna intención de que pueda venir más xente. Aspérase pur tanto qu’esti 10 d’outubre la fiesta seya un ésitu, y nun lo ponemos en duda yá qu’esti puebru cabreirés siempre destacóu pula buena organización d’esti tipu d’eventos. En definitiva: xoldra asegurada.

12095193_898313196889768_5362301047355692186_o

San Lucas. Fotografía de Pepe Liñán

San Lucas, al qu’en Ñugare tienen gran devoción, y del que se guarda una fermosa talla policromada, yía consideráu’l patrón de la medicina. Eillo yía pur cuenta de qu’esi yiera l’oficiu d’esti Santu al que mañana se-ye rindirá oufrienda. La misa y procesión van celebrase a las 13:00 horas.

A las 14:00 horas chegará la hora del vermú y de comer dalgún pinchín, pero habrá que guardar un poucu de fame pa la comida popular qu’está programada pa las 14:30 horas nas instalaciones habilitadas pa la fiesta (queremos recordar a quienes quieran dir a la comida que los tickets hai qu’adquirilos no bar-restorán Sabugo de Quintaniella de Llousada).

El Llobu-graciosu. Fotografía de Pepe Liñán

El Llobu-graciosu. Fotografía de Pepe Liñán

Pula tardecina de seguru vamos tener oucasión de ver al personaxe del Llobu-Graciosu, un personaxe que tien mueita relación conu Antroidu y cunas danzas de palotéu. Hai años chamábase-ye solo pul ñome de Graciosu y salía’l segundu día de la fiesta. Na actualidá, cumo solo cuntamos cun un día festivu, namás aparez pula tarde. La sua función yía la d’acompañar a la comisión de fiestas que vai casa pur casa pidiendo l’aguinaldu, onque ora yía pa pagar la orquesta. El Llobu-Graciosu entra dientro de las casas de los vecinos y d’esa maneira consíguese que suelten más perras.

Más tarde, a las 20:00 horas, será’l momentu del beille que va ser pur cuenta de la formación “Trío Medianoche”, un tríu de cantantes de Mansilla de las Mulas. Yá pula madrugada, esta mesma formación volverá poner la nota musical dende la 1 hasta las 5 la mañana y no descansu sortearáse un estupendu curdeiru.

 

 

Deja un comentario

Tu dirección de correo electrónico no será publicada. Los campos obligatorios están marcados con *