«La voz del concejo» chega a La Baña

El documental, que recueye testimonius esgaya del padremuñu cultural y xurídicu de lus conceyus, va proyectase’l sábadu 20 d’agostu a las 18:00 horas ño centru cultural Cazario

Cartel de «La voz del concejo», Fotografía de Bambara Zinema

Cartel de «La voz del concejo», fotografía de Bambara Zinema

«La voz del concejo» yía un proyectu concebíu ño añu 2012 pulla Asociación Cultural Faceira y lleváu a cabu pulla productora audiovisual Bambara zinema. Cun él búscase la puesta en valor de lus conceyus y las instituciones comunales, favoreciendo la sua cuñocencia y difusión, y evitar asina la sua desaparición, entre outrus motivus pullu proyectu de llei del 2012, impulsáu pullu Ministru Montoro que buscaba esa situación

El documental foi grabáu prencipalmente en Llión, Zamora y norte de Portugal, peru tamién en Cantabria, Álava y Navarra. Llugares onde lus conceyus on viven cun mueita fuercia. En Cabreira lus llugares escoyíus pa la filmación fonun San Pedro de Trones, Truitiellas y Corporales.

“La voz del concejo” fézose a partir d’un rexistru audiovisual de 40 horas de grabaciones ñas qu’amás d’entrevistas, tamién se documentonun lus conceyus y las tradiciones rellacionadas cun eillus, cumu son las facendeiras, “salir a caminus ou veredas”, lus “auzolanes” vascus y navarrus, toques de campanas, fiestas populares, concentraciones de pondones llioneses, actividades d’esplotación de tierras y propiedades comunales, suertes de lleña, etc.

Desde abril de 2013 apoyan el proyectu la Confederación Española de Centros y Clubes UNESCO y la Fundación Cerezales Antonino y Cinia. Un proyectu feitu sin ánimu d’arriquecimientu y que ñus próximus meses va ser compartíu n’Internet cun licencia Creative Commons pur que pueda compartise  lu máximu posible.  Pur outra parte, l’Asociación Cultural Faceira va prencipiá una segunda parte del proyectu, que va consistí en prepará la documentación ñecesaria pa pidí a la UNESCO que lus conceyus de vecinus del norte d’España seyan declaraus Patrimoniu Inmaterial de la Humanidá.

Eiquina deixamosvos un cortometraxe feitu cuñas imáxenes del documental:

Deja un comentario

Tu dirección de correo electrónico no será publicada. Los campos obligatorios están marcados con *