L’asociación El Teixu convoca la segunda edición del sou Concursu de Recoyida de Toponimia d’El Bierciu

Na campaña tamién pueden participar los términos municipales cabreireses de Benuza y A Ponte al pertenecer estos al Consejo Comarcal del Bierzo

cartel2

Cartel del concursu de recoyida de toponimia

Esta segunda edición del concursu convocáu por El Teixu, Rede pal Estudiu y Defensa de la Llingua Asturllionesa, cona colaboración del Instituto de Estudios Bercianos, quier poner en valor el padremuñu que representa la riqueza toponímica, que, esqueicida pola alministración, todavía permanez viva na comarca, cumo una muestra más de la cultura d’esti llugar que s’expresa n’asturllionés y en gallegoportugués.

Pa poder participar, los trabayos tienen qu’entregase primeiro del 15 d’outubre d’aguaño. Cada participante podrá presentar unu ou dellos trabayos a concursu, circunscritos cada unu d’ellos al términu d’un llugare, no que se recoyerá’l máximu posible de topónimos: nomes de llugares y casas, rieos y llagunas, montes y accidentes orográficos, praos y caminos, fuentes y cruces… Los topónimos, en cualquier casu, tienen qu’estar recoyíos oralmente entre la población del términu y nun se van aceptar variantes artificiosas ou que solo sean de tipu documental ou alministrativu.

Estas descripciones de topónimos y la información adicional, que pueden estar redactadas en cualquiera de las llenguas faladas no Bierciu ou Cabreira (asturllionés, gallegoportugués ou castellanu). Tamién va valorase positivamente la inclusión de fotografías y mapas que permitan la identificación y localización de los topónimos. Igualmente, los trabayos pueden incluír material adicional sobre historia, xeografía, etnografía y vocabulariu del términu en cuestión, así cumo grabaciones ou material audiovisual.

El premiu al meyor trabayu, que consistirá nun diploma y un lote de llibros de temática berciana y asturllionesa, va outorgase pal 31 de diciembre de 2016.

Pa ver las bases del concursu pinche eiquí.

Deja un comentario

Tu dirección de correo electrónico no será publicada. Los campos obligatorios están marcados con *