Los campaneiros chegarán a Estorga esti diumingu

La Cuesta participa na concentración de mazcaradas d’enviernu d’Estorga esti diumingu

L’empeñu de l’Asociacion Cultural Trimuella por recuperar la tradición de los Campaneiros y sirvire, amás, d’estímulu pa rescatar del olvidu las outras mázcaras de la comarca de Cabreira está recoyendo frutos. Los Campaneiros foron convidaos a participar no “Domingo de Piñata”, n’Estorga, esta fin de semana.

El próximu diumingu, día 5 de marciu, prencipia esti primer alcuentru, el desfile cunta con un total de 7 grupos de Llíon, Lugo y Salamanca.

La provincia de Llión va estar representada por dalgunas de las mazcaradas más representativas: Los Jurrus de Alija del Infantado, Toros y Guirrios de Velilla, Antruejo de Carrizo, Antruejo y guirrios de Cimanes de Tejar y los Campaneiros de La Cuesta. El desfile prencipiará a las 12,30, desde el Pabellón de Deportes recorriendo las caleyas de la zona histórica d’Estorga. A la fin los grupos chegaran hasta la praza Mayor, onde los distintos grupos del entroidu lliones van dir desfilando y faciendo la sua representación.

El simbolismu que traen los personaxes y las representaciones del entroidu llionés enarbolan rituales amestaos a la tierra y a la fertilidá de la muyier ou la dualidá del bien y el mal, con orixen paganu y pícaru. La gaita y los tamboriles, acompañaos pol soníu de los esquilones que mueitos de los personaxes llevan colgaos pa asustare, al compás del soníu de los palos que llevan los Campaneiros.

Deja un comentario

Tu dirección de correo electrónico no será publicada. Los campos obligatorios están marcados con *