Los campaneiros viaxan a Llión y Bregancia

Los campaneiros na concentración de mazcaradas de Valdesoto de Siero (Asturias)

Los campaneiros na concentración de mazcaradas de Valdesotu (Asturias)

La Cuesta participa na concentración de mazcaradas d’enviernu de Bregancia y el martes no entroidu de la capital llionesa

L’empeñu de l’Asociacion Cultural Trimuella por recuperar la tradición de los Campaneiros y sirvire, amás, d’estímulu pa rescatar del olvidu las outras mázcaras de la comarca de Cabreira está recoyendo frutos. Los Campaneiros foron convidaos a participar no “Carnaval dos Caretos”, en Bregancia, esta fin de semana. Esta iniciativa pretende convertise en referente pa la divulgación de la mázcara tradicional.

El próximu sábadu, día 6 de febreiru, prencipia esti decimu alcuentru, el desfile cunta con un total de 170 participantes, 60 d’España y 110 de Portugal y de 360 escolines de las escuelas del ayuntamientu de Bregancia.

La provincia de Llión va estar representada por dalgunas de las mazcaradas más representativas: Los Jurrus de Alija del Infantado y los Campaneiros de La Cuesta. El desfile prencipiará a las 16,00, hora portuguesa, dende la Plaza Cavaleiro de Ferreira recorriendo las caleyas de la zona histórica de Braganza. A la fin del desfile va realizase’l ritual de la “Quema del Diablu”.

Martes d’entroidu, en Llión

Los Campaneiros viaxan a la capital llionesa onde desfilarán pola tardiquina dende’l parque de Bombeiros hasta la praza mayor.

Polas caleyas más céntricas, el día 9 por la tardiquina, los Campaneiros volverán a enseñanos dalgunas de las tradiciones que los puebros foron recuperando, evitando la sua perdida y olvidu, pa deixar contemprar antiguos ritos, la mayoría d’orixen ástur, de fecundidá, del enfrentamientu del bien cuntra’l mal ou la lluita por antiguos territorios.

El simbolismu que traen los personaxes y las representaciones del entroidu llionés enarbolan rituales amestaos a la tierra y a la fertilidá de la muyier ou la dualidá del bien y el mal, con orixen paganu y pícaru.

La gaita y los tamboriles, acompañaos pol soníu de los esquilones que mueitos de los personaxes llevan colgaos pa asustare, al compás del soníu de los palos que llevan los Campaneiros, chegaran hasta la praza Mayor, onde los distintos grupos del entroidu lliones van dir desfilando y faciendo la sua representación.

Deja un comentario

Tu dirección de correo electrónico no será publicada. Los campos obligatorios están marcados con *