La Baña celebra las fiestas del Carmen los días 16 y 17 de santamariña

Cúmo tódolos años, esti xueves principian unas de las fiestas con más devoción pa los bañeses y bañesas, las del Carmen, virxen patrona de los marineiros, qu’en La Baña a falta de mar se compensa con unu de los llagos glaciares más guapos del sur d’Europa, el Llagu de La Baña.

baña

Cartel de las fiestas del Carmen de La Baña

El xueves será’l día grande, y las caleyas estarán animadas desde primer hora de la mañana conas festaxeiras charangas. Más tarde vai celebrase la Santa Misa y la procesión.

Pola tarde habrá xuegos pa los ñiños y pola ñueite a partir de las 21:15 horas la gran orquesta Gran Parada animará la fiesta -con un descansu pa poder dir a cenare-.

A outru día vamos cuntar cona orquesta Olympus que vai actuar no mesmu horariu que’l día anteriore.

Las personas que visiten La Baña van tener la oportunidá de perdese polas caleyas del puebru y contemplar l’arquitectura tradicional cabreiresa qu’on se mantien de pias. Son d’interés l’armita del Carmen y la igresia parroquial, construyida con una guapa cúpula d’estilu bizantinu con cimborriu.

L’amante del senderismu tamién tien mueitas opciones yá qu’esisten dalgunas rutas de mueita fermosura pa gociar de la ñaturaleza. Por una parte’l nomáu Llagu de La Baña, y por outra la xubida a los cumbres d’El Picón ou Peñataravinca, ou la ruta que lleva al saltu d’augua, la cascada chamada La Fervienza.

Deja un comentario

Tu dirección de correo electrónico no será publicada. Los campos obligatorios están marcados con *