Los magostos chenórun Cabreira la fin de semana y on queda dalgunu pur celebrar

Magostus en Cabreira

Magostus en Cabreira

La fin de semana pasada foi intensa en magostos yá que se celebrorun trés d’eillos a la vez

El primeiru d’eillos foi en Truitiellas, la V edición del Magostu Ambulante, cuna ideya de recordar el 25 aniversariu de la declaración de Monumentu Ñatural del llagu del mirmu puebru. Pa eillo’l xeólogu Javier Fernández Lozano cuntóunos na sua charra los procesos xeolóxicos que moldiorun esti llagu.

José Antonio Ordoñez apurrió la documentación de Pozos

José Antonio Ordoñez apurrió la documentación de Pozos

Antias José Antonio Ordoñez pula asociación Pendoneros de León, apurriéu la documentación atopada de los Pondones de Corporales, Pozos y La Cuesta. Despúeis pudimos ver un vídeu del pondón de Truitiellas y dous vídeos sobre’l llagu. Yá pula tardiquina, pudimos escueitar la música tradicional cuno grupu “Cantar de crines” pa lluegu, unas 100 personas saboriaran el ricu sabor de las castañas y un gutín de vinu.

Al outru día, diumingu, la lliteratura y la llengua asturllionesa chegorun de la mano del poeta orbigués Fran Allegre, quien presentóu la sua antoloxía poética “Deixando’l cuerpu”. Lluegu, la educadora Judit Molero Guerra fizo un taller de ciencia onde los rapaces divirtiérunse abondo conos divertíos esperimentos sobre las fuerzas gravitatorias.

Cantar de Crines

Cantar de Crines

Yá van 5 años nos que pur velías se va faciendo esti magostu cultural qu’organizan las 8 asociaciones culturales de Cabreira Alta, aumentando asina la oufierta cultural, la sociabilidá y la calidá de vida de los puebros.

Magostu en Forna

Magostu en Forna

Outru de los magostos que se fizó en Cabreira foi en Forna, onde unas 35 personas celebrórun el pasáu sábadu un magostu popular al llau de la vieya escuela, onde dalgunos vecinos tamién se revistíerun pa celebrar Halloween, la famosa fiesta d’orixe irlandés que se punxo de moda nos últimos años.

Outros puebros que celebrórun magostos forun Silván y Pombriegu, onde nesti últimu, tucórun los gaiteiros de la localidá, houbo empanadas, chourizos y queimada a la puerta de la igresia, no Sagráu, onde chegorun unas 60 personas.

Magostu en Pombriegu

Magostu en Pombriegu

Pero on queda dalgún magostu pur facere. Los escolines del Centro Rural Agrupado Cabrera celebrarán el sou magostu escolare, cun degustación de castañas asadas el próximu día 10 d’esti mes de los santos. Las familias van a facer llume y van asar las castañas pa da-ye a los rapaces del colexu que suma a los centros educativos de La Baña, Quintaniella de Llousada y Trueitas.

Deja un comentario

Tu dirección de correo electrónico no será publicada. Los campos obligatorios están marcados con *