Lus campaneirus salen pa santutisu

Los campaneiros na concentración de mazcaradas de Valdesoto de Siero (Asturias)

La vieya tradición pagana d’enviernu recorrerá outra vez las caleyas de la localidá

L’asociación Trimuella de l’aldeya de La Cuesta, no términu municipal de Trueitas, encomienza los preparativus pa la puesta de llargu de lus Campaneirus, la vieya mazcarada d’enviernu, una tradición cun mueita popularidá en Cabreira cun cualesquier de lus sous ñomes, remixacus, tamarracus, mantarracus, campanones, farramacus…

El sábadu lus personaxes volverán a recorrer las caleyas de la localidá de La Cuesta pula tardiquina a las 18:00. Joaquín Alonso, etnógrafu, antropólogu y escelente cuñocedor d’estas celebraciones na provincia de Llión va ser l’encargáu de convidanus a una charra sobre las mázcaradas d’enviernu que se van acompañar cun llicores y cafés. Despuéis de la charra, será’l momentu de la musica cunas pandereteiras Gritsanda pa terminar todos xuntos de seranu. El diumingu, hai programada una visita al museu del encaxe a las 10:30 de la mañana en Villar, una visita a un molinu tradicional a las 11:45 na localidá de Trueitas, y una charla y visita guiada al museu de la llabranza de Cabreira a las 12:15 y lluegu saldrán outra vez lus campaneirus pula Cuesta.

 

La recuperación d’esta tradición una rialidá gracias a lus testimonius de lus más mayores, y al trabayu de l’asociación, qu’escueitóu a aqueillus que más saben de lu d’antias. Según Ludivina González y Joaquína Miguélez, muyeres qu’on vivieron la mazcarada, lus Campaneirus na Cuesta celebrábanse en Ñavidá y yieran encarnaus pulus mozus del puebru que se revestían cuna única función d’escorrer a lus rapaces y pidir l’aguinaldu.

Lus Campaneirus cubríense lus cuerpus cun pilleyus y pa la cara y la cimbreira fabricaban mazcaras asemayadas a lus animales. N’oucasiones tamién se ponían curnamientas ou varas de madeira, que tallaban lus rapaces, pa representar al ganáu.

La igresia que nun yiera amiga d’estas tradiciones obrigóu a mudar la fecha de la fiesta, que pasóu a celebrase no antroidu cuno ñome de Trapisacus. Mueitus tapaban la cara y outrus vistíense cunus piores trapus. Foi ñestoncias, cuna teatralización de la tradición cuando xurdieron más personaxes: La Vieya, el Toru, lus Galanes y la Señorita que picaba al toru. Estiañu meyororun lus traxes, mueitu más asemeyaus a la investigación feita pur Iván Martínez Lobo, y incorporan distintas mázcaras ou “carochas” de lus puebrus cercanus pa facer una representación de tódalas mazcaradas de la comarca cabreiresa.

Deja un comentario

Tu dirección de correo electrónico no será publicada. Los campos obligatorios están marcados con *