Marrubiu en fiestas pur Santisteba

Güei principian nesti llugar de Cabreira Baxa, qu’ía unu de lus que meyor mantien las suas tradiciones

Esti sábadu día 6 d’agostu a las 21:00 horas de la ñueite a partir de las 21:00 horas gran beille cunu TRÍO AMÉRICA, que volverá ñuevamente a tocar tras la cena a partir de la 01:00 horas.

El diumingu día 6 celebraráse la Santa misa n’honor a Santisteba y la precesión. Pula tarde será la hora de la rapaciada, yá qu’a partir de las 17:00 horas van poder andar a xogus, brincar y trotar sobre’l castiellu hinchable y participar na fiesta de la espuma.

Outrus datus d’interés

Marrubiu cunta cunu Centru d’Interpretación de la Casa Cabreiresa, que s’atopa nun antiguu payar restauráu qu’antias sirvía de corte pal toru comuñal del puebru. Nesti centru pueden atopase tódolus elementos típicus que formaban parte de la vivienda cabreiresa: l’escandu, el cantareiru, l’alacena, l’fugaceiru, el chambaril pa colgar la matanza, etc. Nesti centru d’interpretación hai cousas tan chamadeiras cumu’l carretu, una especie de parque infantil que sirvía pa tener de pías y entreteníos a lus ñiñus qu’on nun andaban, o’l bancu de velare, que se ponía na casa del fallecíu y yiera d’usu comuñal.

Lus trabayus de restauración arquitectónica de Marrubiu tamién inclúyen a las vieyas escuelas, la fraugua y la fuente.

Deja un comentario

Tu dirección de correo electrónico no será publicada. Los campos obligatorios están marcados con *