Ñoceda celebra las suas fiestas patronales n’honor de María Madalena

La fin de semana yá casi está eiquina y cun eilla tódalas actividades festivas qu’esti llugar cabreirés va celebrare, y que de siguío vos detallamos

Cartel festivu

Cartel festivu

Programa de fiestas

Sábadu 30

23,30 Verbena cuno grupu Menfis y al finalizar karaoke, chicolatada de baldre, y sortéu de productos ibéricos.

Diumingu 31

13,30 Santa misa y precesión  n’honor de la Virxen María Madalena.

14,00 Beille y vermú cuno Dúo Armonía Musical.

18,00 Animación infantil cun piñata y película.

19,00 Concursu del xuegu de la rana.

21,00 Gran beille cuno Dúo Armonía Musical y sortéu de productos ibéricos.

Datos d’interés sobre Ñoceda

Famosa pulos sous fueros del añu 1149, especie de pactu entre’l puebru y el monesteriu bercianu de San Pedro de Montes, no que, entre outras cousas, siñálanse las llindes de la propiedá comuñal. Deitada na vertiente sur de los Montes Aquilanos, Ñoceda está a la altura de 1.150 metros.

L’orixen del puebru, sigún manifestoron los sous vecinos, yía pur cuenta de los pastores trashumantes. El testimoniu escrito más antiguu sobre Ñoceda está fecháu en 1063 al abolir Fernando I la deuda añal de cuarenta midídas de pan y conceder a la igresia d’Estorga “la tierra de Ñoceda y el sou castiellu”. No llugar denomináu Santa Marina vense restos de murios que podrían corresponder a un asentamientu primitivu. No estreito recintu del cabildru de la igresia’l barriu La Gayarda alza’l sou grandón tueru de 18,20 metros d’altura un milenariu teixu.

Yía Ñoceda patria de D. Amable Liñán; consideráu cumo espertu mundial n’aeronáutica, llogróu los premios Príncipe de Asturias (1993) y el de Castilla y León (1994) d’Investigación Científica y Técnica.

Deja un comentario

Tu dirección de correo electrónico no será publicada. Los campos obligatorios están marcados con *