Ñuevu concursu lliterariu en llionés

El colectivu de mocedá llionesa Ruchar, convoca esti I Certame de Poesía Combativa en Llionés que va tener abierta la presentación de poemas hasta’l próximu 23 de febreiru

I certame de poesía combativa en llionés

Esti primer certame tendrá cumu remate una xornada na que lus poemas presentaus podrán ser lleíus pulus sous autores y autoras, amás de lleer mueitas outras obras yá escrebías pur outrus poetas. La xornada, de la qu’on nun se tien definida la fecha, xirará alredor del Día internacional de la llengua materna.

Cun esti actu, el colectivu Ruchar, quier “siguir calteniendo viva la nuesa llingua y por outru creyar un espaciu alternativu nel que los y las artistas qu’usan el llionés pa espresase puedan coincidir pa poder seguir fomentando l’arte y la lliteratura nel nuesu país, amosando a la mocedá las posibilidades que puede ofrecer un idioma cumo’l llionés na sociedá actual”.

Bases

  1. Puede participar cualquier persona a títulu individual.
  2. Lus poemas tienen d’estar escrebíus en llionés: almítese cualquier variedá dialectal del dominiu llingüísticu.
  3. El tema yía llibre, entendíu siempre drentu lu que podemus chamar Poesía Combativa, na que tien cabida la denuncia sociopolítica, la memoria histórica, el feminismu, las pasiones de la lluita…
  4. La obra tien de ser orixinal, inédita y nou galardonada en nengún concursu.
  5. Nun hai nenguna estensión mínima nin máxima nus poemas.
  6. La presentación de las obras realizarase pur corréu electrónicu:
    • Presentarase nún word, pdf ou similar.
    • El prazu de presentación será hasta’l 23 de febreiru de 2017.
    • El corréu al que s’unviarán las obras será: ruchar.moceda@gmail.com
    • No asuntu del corréu indicarase: I Certame de Poesía en Llionés.
    • No corréu indicarase’l pseudónimu de la autora ou del autor, nou’l ñome rial.
  7. El xuráu vai formase pur militantes de Ruchar. Lus miembrus del xuráu nun participarán no concursu.
  8. El resultáu vai dase a cuñecer de xeitu públicu nun actu.
  9. Lus poemas publicaranse na web de la organización.
  10. Habrá varius premius pa las tres meyores obras.
  11. La presentación al Certame implica l’aceptación de las bases.

One thought on “Ñuevu concursu lliterariu en llionés”

  1. Cepedanu says:

    Muitas gracias por espublizar el certame!

    Esperemous que la xente animase a participar.

    Muito animu tamién col cabreires.com. ye todu un exempru para la defensa de la llingua llionesa.

Deja un comentario

Tu dirección de correo electrónico no será publicada. Los campos obligatorios están marcados con *