Oudoyu celebra la sua patrona de la Ñuesa Siñora del Rosario

odolloCun l`outoñu chegan las primeiras fiestas del enviernu y esta fin de selmana celébrase n’Oudoyu n’honor a la Virxen del Rosario

A las 11:30 horas de la mañana celébrase una misa cun procesión pulas caleyas del puebru y un beille vermú. A las 20:00 horas, la nota de color más actual cuna orquesta “Armonía Musical”, pa despuéis de cenare, rematar baxo’l mantu estrelláu cuna mesma orquesta.

Oudoyu yía un importante núcleu pizarreiru que cunta cunos barrios d’Oteiru, que deixamos a la dereita, y los de la Igresia (Barriu) y Quintaniella a la zurdia; nesti postreiru llevanta l’armita de Santa Llucía. La primeira vez que cítase a Oudoyu yía nun documentu del “Tumbo Viejo” datáu’l 1 de xuliu del añu 930 no qu’el monxo “Meyron” deixa al monesteriu las suas posesiones nesti puebru.

La igresia d’esti puebru tien una espadaña de pizarra ñegra y sin revocare, yía una torre de Pisa na que se ve un reló de sol. A la zurdia del templu cuerre un porche sosteníu pur columnas de madeira, y no dintel de la sua puerta hai un San Pedro románicu de piedra policromada. Al llau de la igresia atópase’l museu etnográficu de la localidá.

Deja un comentario

Tu dirección de correo electrónico no será publicada. Los campos obligatorios están marcados con *