Paintball, ilusionismu y I Carreira de San Silvestre, pa rematar l’añu

L’Ayuntamientu de Trueitas yá tien preparada la oufierta cultural pa estas Ñavidades

I Carreira de San Silvestre 2015

I Carreira de San Silvestre 2015

Principiaremos pul sábadu díe 26 de deciembre, a las 12 la mañana na Aula Cabreiresa, xunto al colexu de Trueitas, onde dará comienzu una verdadeira batalla campal de paintball. Nel mesmu llugar daráse todu’l material y las normas pal xuegu. Recordade que la edá mínima pa participar yíe de 16 años.

El diumingu día 27 de deciembre habrá un espectáculu de maxa a las 17:00 de la tardecina, al que va poder asistir todu’l públicu.

Pa rematar l’añu cun buena salú, el  xueves 31 de deciembre, va celebrase la I Carreira de San Silvestre. Habrá premios pa los ganadores y pa los rapaces que participen, amás d’un regalu al que sosprenda conel meyor disfraz. La salida será a las 11:00 la mañana dende la Praza’l Ayuntamientu de Trueitas, y el trayectu será de 7 kilómetros. Pa participar yíe necesariu apuntase antes del 30 de deciembre nel teléfonu 987670285 ou nel mesmu Ayuntamientu.

Deja un comentario

Tu dirección de correo electrónico no será publicada. Los campos obligatorios están marcados con *