Pombriegu en fiestas

Pombriegu celebra los días 11, 12 y 13 las suas fiestas n’honor a San Antonio

pombriego

Programa festivu

El sábadu día 11 de xuniu principian las fiestas de San Antonio en Pombriegu que van estar animadas pula ñueite cuna actuación del tríu musical “Estrella“.

El diumingu día 12 pula mañana va haber a las 13:00 horas Santa misa y procesión, que va siguir cun un beille vermú a cargu del grupu de gaitas d’esti llugare, “Aires del Cabrera”.

Pula ñueite, a partir de las 21:00 horas, beille de tarde y verbena cun “Boa Festa Discomovida”.

El llunes día 13, día de San Antonio, principiará cun pasacalles de la charanga “Brisas do Sil”, y despuéis Misa y procesión a la 13:00.

Pombriegu yía una guapa aldeya onde se pue visitar al pía de la sua igresia’l chamáu cumu l’Árbol del Amore, qu’en primavera lluz espectaculare.

El puebru está arrodiáu de campus qu’antias forun llabraus cumu tierras de centenu, monte baxu, soutus de ribeira formaus pur oumeirus, salgueirus y freñus, y un singular monte de sufreirus no llugar que chaman La Remangada.

Purbaxu’l puebru, cerca del barriu de Lus Chanus, desaugua’l rieu Benuza no Cabreira. Esti postreiru tuvo nas suas ouriellas una ferrería construyida no siegru XVIII pul abá Benitu Zoube del Monesteriu de San Pedro de Montes.

Deja un comentario

Tu dirección de correo electrónico no será publicada. Los campos obligatorios están marcados con *