Ramu cabreires ña Baña y beilles tradicionales frente al Cazario

Una familia d’esti llugar cabreirés va oufiertá’l ramu ña igresia esti viernes día 30. Despuéis habrá un pasacalles hasta’l Cazario onde van facese beilles tradicionales.

La localidá de la Baña pecha l’añu cuña oufrienda’l ramu. Una tradición que cada vez cueye más fuercia ñas ñuesas tierras, ñesti casu una familia va facé la oufierta ña igresia d’esti llugar el vienres a las 16:30 pulla tardiquina. Despuéis d’un pasacalles hasta’l Cazario, delantre la sua esplanada va tené llugar una representación de lus beilles cabreireses pur parte del grupu “Aires del Cabrera” de Pombriegu.

Tamién chegará al mirmu llugar el grupu maragatu de Filiel cun Maximiliano Arce, ñacíu en Chana, pero residente desde van bien d’añus en Rabanal del Camino. «Maxi», yía outru de lus grandes de la música maragata, una llienda viva que ños deixóu parte del sou trabayu en discus cumu “Toques de flauta y tamboril” ou tamién “Al salir de la enramada”.

Yía chamadeiru qu’esistiendo en toda España la tradición d’oufiertá bienes y productus de la tierra a lus santus patronus, seya casi puramente ñu vieyu reinu de Llión onde esa oufrienda se fa on cuña de lus ramus. Estus ramus yieran, cumu’l sou ñome diz, cañas ou árboles piqueiñus de lus que culgaba una cesta cun oufriendas, ou que bien, llevaban éstas culgando directamente de la ramasca. Más tarde, forun evolucionando y faciéndose más sofisticaus, cumu se va describí más p’alantre.

Güei, lus ramus mudan d’unas zonas a outras del vieyu reinu y inclusive d’unas aldeyas a outras, dándose la paradoxa de que mueitus ramus d’ora nu tienen de ramu más que’l ñome y oufiertan las formas y representaciones más variadas. En toda Cabreira y curiosamente ña zona oriental y en mueitus puebrus de la zona central d’Esturias, el ramu consiste nún armazón de madeira, cun forma de pirámide, formáu pur cuatru llistones que s’unen na punta y van apoyaus n’andas, cumu las que s’utilizan ñas precesiones pa llevá las imáxenes de lus santus. Esti armazón va recubiertu xeneralmente de cañas, fueyas y frores y lleva, culgando de lus llistones, roscas de pan y rosquiellas dulces principalmente.

El ramu vistíase de distintas maneiras dependiendo de la oucasión en que s’oufiertaba: Se yiera pa cantá en Ñavidá, el ramu vistíase cun llazus, candelas, y cun dous pañus d’oufrienda colocaus n’andas; y se yiera pa oufiertá a una virxen, poniánse unas frores nu altu del ramu que se vistía cunu mantón de la virxen y dous pañus d’oufrienda ñas andas, alantre y pur detrás; se yiera pa outru santu sustituyíase’l mantón de la virxen pur mantones de manila, cobertores, pañus y pañuelus. N’oucasiones poníanse-ye cuatru roscas de pan nas andas que despuéis se subastaban.

Deja un comentario

Tu dirección de correo electrónico no será publicada. Los campos obligatorios están marcados con *