Robréu encomienza las suas grandes fiestas

Esta fin de semana esti puebru cabreirés va celebrar las suas fiestas locales n’honor al Santo Cristo

Carte de fiestas de robréu

Carte de fiestas de robréu

Principiando desde mañana vienres pula ñueite, vamus cuntar cuno grupu Alkazar que promete animar cun una gran verbena a tódolus asistentes.

El sábadu día 20 d’agostu, va celebrase la Santa Misa, precesión y beille vermú. Pa esti día va cuntase cuna orquesta Morfeo que va ser la encargada de la música no beille de la tardecina y tamién pula ñueite.

El diumingu 21, va celebrase ñuevamente la Santa Misa cun beille y vermú, y pa rematar vamus tener un gran beille pula tarde cuno Dúo Musical.

Robréu yía tamién unu de los puebrus cabreireses que cunta cun una de las rutas etnográficas más guapas. Yía unu de lus conxuntus de palombares más importantes de la provincia de Llión, compuestu pur 8 palombares. Lus palombares tienen una estructura circular y llevántanse sobre murus de pizarra revocaus cun tollu y cal. El llouxáu yía a una augua, y pur baxo’l sou refaldráu hai una repisa de llouxas voladas pur onde las palombas se pousan pa entrar y salir al traviés de las troneiras. Sobre’l llouxáu colocábanse xeixus que sirvían p’atrayer a las palombas.

Deja un comentario

Tu dirección de correo electrónico no será publicada. Los campos obligatorios están marcados con *