Romería pula Virxe d’Os Remedios

A romería dedicada á Ñuesa Siñora d’Os Remedios cunta en Soutiellu cun una vieya tradición que cada añu vien celebrándose tódolos 8 de sanmiyiel (setiembre). Yía un día festivu qu’axunta a cientos de personas venídas de Cabreira cumo d’outros llugares.

Paisaxes de Soutiellu. Fotografía de Sary Blanco.

A procesión da Virxe fazse saliendo dende a igresia parroquial de San Pelayo, qu’ía a que s’atoupa más cerca’l puebru, y camínase hasta chigar á armita da Ñuesa Siñora d’Os Remedios, onde se celebra a misa. Una llienda cunta a enxendra d’esti fermosu llugare: Diz qu’una vez un home viéu á Virxen y ésta díxo-ye qu’onde chigara una piedra que tirara, ende sería onde se construyiría una armita. Y asina foi cumo se diéu orixe á armita y cúmo alredor d’eilla terminorun construyendo’l llugar de Soutiellu.

Esta bella y apacible armita foi construyida no añu 1778, y el sou mayor arregru y restauración foi no añu 2003. Yía dignu de mentar el sou artesonáu y el sou altar de pizarra, asina cumo a sua cuidada redolada. A bien rematada igresia de San Pelayo foi construyida unos años antias, no 1772. Yía singular pur tener una espadaña de tres cuerpos y dous campanas, una del añu 1880 y outra del 1744 que tien grabada a llienda “Mira, vence, reina y después nos defienda de todo mal”. Dende’l sou pórticu puede contemplase’l retabru barrocu cuna imaxen de San Pelayo.

Soutiellu atóupase nuna altitú de 960 metros, y os sous barrios son A Riceira, Cabu, A Regueira, L’Apartadeiru, El Chaneiru, A Solana, El Regueiru, A Fontanica, Casaviella y El Testeiru. Cumo a gran mayoría de puebros cabreireses a sua economía básase na esplotación pizarreira, actividá que consiguiéu mantener a vida no llugare.

El puebru tien outros atractivos, el sou impresionante paisaxe ñatural del que yá nos fala’l mesmu ñome’l puebru (Soutiellu, pequeiñu soutu ou arboleda xunto a una veiga), asina cumo a sua arquitectura tradicional. Yía unu d’os puebros cabreireses que meyor supo restaurar y mantener el sou patrimoniu, y que puede vese al pasiar entre as suas caleyas, pul molinu tradicional chamáu Rastreiru, pula fraugua, os fornos, os palombares, ou pula fuente cun llavadeiru que s’atopa á fin del puebru. Un aspectu que fala a xeitu da sensibilidá y el buen facer d’os sous vecinos hacia’l sou puebru.

Cartel de fiestas

Todu aquel que quiera esfrutar d’esta magnífica romería n’honor da Virxe d’Os Remedios y d’as grandes fiestas de Soutiellu puede facelo consultando’l programa d’as actividades que mañana principian:

Día 7, xueves
  • 21,00 h. Gran chourizada y despuéis beille cuna DISCO MÓVIL CHIC.
Día 8, vienres
  • 11,00 h. Pasacalles y alboradas.
  • 12,30 h. Precesión.
  • 13,00 h. Santa misa.
  • 14,00 h. Beille vermú.
  • 16,30 h. Animación infantil.
  • 16,30 h. Beille de tarde cuno TRÍO ARMONÍA MUSICAL.
  • 21,00 h. Gran churrascada, pula voluntá de 3 euros. Beille cun GRUPO FLORIDA SHOW y sortéu d’un xamón no descansu.
Día 8, diumingu
  • 11,00 h. Pasacalles y alboradas.
  • 13,00 h. Santa misa y precesión.
  • 14,00 h. Beille vermú.
  • 16,30 h. Animación infantil.
  • 21,00 h. Gran cena cun xabarín y empanada, y despuéis ORQUESTA OS BREOGANS.

Deja un comentario

Tu dirección de correo electrónico no será publicada. Los campos obligatorios están marcados con *