Saceda en fiestas pur San Antonio

Esti llugar cabreirés celebra esta fin de semana las suas fiestas n’honor a San Antonio. El tiempu tien trazas de que va acompañar a la fiesta yá que nun s’aspera chuvia

Cartel festivu

Cartel festivu

Pula mañanica del sábadu día 4 principiará la celebración cuna Santa Misa na igresia local a las 12:00 horas del mediudía.

Yá pola ñueite, a las 21:00 horas, no llugar onde estará instalada la carpa, va haber una degustación de xatu y patacas cun xabarín pa tódolus asistentes, que va ser sirvida en pratu de barru pul preciu popular de 5 eurines.

De 21:00 a 22:30 horas va haber beille de tarde cun pasudobres y música popular cuna Orquesta Bristol, y yá pula ñueite la mirma orquesta tocará de 00:30 a 04:00 ritmus más modernus pa lus más festaxeirus.

Pa rematar la fiesta’l diumingu día 5 a partir de la 13:00 va celebrase la Santa Misa.

Aproveitando la visita a Saceda podemus visitar las canales romanas d’esta localidá. Desde’l puebru sal el caminu vieyu de La Mata, qu’ía una antigua canal romana cun 6 km transitables hasta chegar al rieu Cabu. Nesta canal vense bien las carrilladas, las marcas de lus carrus, yá qu’hasta van unas décadas s’utilizába parte del recorríu d’estas canales cumo caminu de carrus, pur eso tamién se-yis chama “carriles” ou “carrunas”.

Deja un comentario

Tu dirección de correo electrónico no será publicada. Los campos obligatorios están marcados con *