Silván en fiestas pur Santiago

Lus días 22 y 23 va rindise homenaxe al Apóstol Santiago nesti llugare

silvan2

Cartel de fiestas de Silván

Nesta oucasión lus festexus adelántranse al vienres y sábadu al ser el llunes 25 día de trabayu na provincia de Llión, onque esi nun va ser motivu suficiente pa evitar que lus sous paisanus deixen de vivir estas fiestas cun toda intensidá.

Pa la ñueite del vienres 22 aspérase la música más actual cun una Discoteca Móvil.

El sábadu 23 pula mañana será la Santa Misa y el vermú, y pula ñueite habrá verbena cuno Trío Los Ángeles y pa rematare, outra sesión de la Discoteca Móvil pa siguir cuna fiesta.

Amás, todolus rapaces y rapazas podrán brincar nus castiellus hinchables de 19:00 a 21:30 horas.

El visitante que s’achegue a Silván va poder comprobar qu’ésti llugar yía’l corazón de Cabreira. Un llugare, a 999 metros d’altitú, onde las casas nos amuestran lus sous corredores de madeira enñegrecida y onde antias abondaban lus medeirus de paya, asina cumu lus colmenares, recintus zarraus pur un muriu altu de piedras y situaus nún llugar asoliyáu.

Tien cuatru barrius Silván: Santiago, Prosillo, La Peña y Fresnéu, no que s’atopa l’armita de la Virxen del Fresnu ou Virxen del Castru. Al castru chegase xubiéndo varias terrazas; na parte cimeira del monte hai una gran lleira de piedras cun un buracu na tierra que pudiera corresponder a una torre defensiva sobre’l fosu. Un caminu bordia’l castru pul fosu. Hai qu’añedir un quintu barriu -Piniellas- qu’ía de casas más ñuevas.

Deja un comentario

Tu dirección de correo electrónico no será publicada. Los campos obligatorios están marcados con *