Tarna y Luar na Lubre, na fiesta de Cabreira

Tarna

La pareya de Folk llionés Tarna. Fotu de Teresa García Montes.

Los llioneses y los gallegos encabezan el cartel d’una fiesta comarcal que se vai celebrar el 11 de Santamarina en Ñogare.

El día de la fiesta de Cabreira celebra esti 2015 la sua décima novena edición y yá tien confirmada la presencia de dous grupos de gran tirón: Tarna y Luar na Lubre. Llioneses y gallegos, estos cabeza de cartel, van intentar cautivar al públicu que chegue a la localidá cabreiresa de Ñogare’l próximu 11 de Santamarina.

Tarna yía una de las sensaciones del momentu dientro del mundu folk. Despuéis d’un períodu de composición y grabación aproximáu de dous años, la pareya de Folk llionés Tarna presentóu esti enviernu’l que yía’l sou sigundu trabayu discográficu, “El hombre que tenía una vaca“. Un discu basáu en temas de la tradición oral llionesa, con arreglos y melodías orixinales de Rodrigo Martínez y Diego Gutiérrez (Tarna). El discu d’esta pareya, sigue cona metodoloxía del anterior y incluye varios temas del ricu cancioneiru popular llionés al que Tarna da una reinterpretación harmónica, rítmica y melódica con un marcáu carácter de folk contemporáneu. El discu cunta con un cantar homenaxe a Moisés Liebana, gaiteiru de Corporales, “El cucu rubiellu” que principia y remata cono cantar d’un cucu que nos treslada al intre a Cabreira namás escueitalu. Esti trabayu cunta cona collaboración de prestixosos músicos cumo la cantante Ana Alcaide, el mandolinista Luke Plumb, el cantante presentador y etnógrafu Xosé Ambás ou la vigulinista Brittany Haas. Esta orixinal pareya musical, lleva dalgunos años sin parar d’actuar por todu’l norte del país, tanto en festivales cumo en conciertos locales.

Luar

El grupu gallegu Luar Na Lubre

Luar na Lubre vien a Cabreira con “Sonds da lubre nas noites de luar”, un recorríu musical pola carreira d’esta banda, que cunta ora con Paula Rey cumo vocalista. Esti grupu yía una de las bandas de mayor importancia no panorama nacional de música folk, gracias a los sous 25 años d’hestoria.

El grupu gallegu lleva vendidas más de 300.000 copias de los sous distintos trabayos y yá recorrieron buena parte del planeta: Palestina, Canadá, Arxentina ou Alemaña, cumo exemplu.

L’alcalde de Castriellu, Tomás Blanco, cumo representante del consistoriu qu’anguaño prepara la fiesta, recordóu que “La música de Cabrera es un elemento de vital importancia en nuestra comarca. No existen canciones como las nuestras en ningún otro lugar, el virtuosismo de nuestros músicos y de su repertorio ha sido y es elogiado en toda España” a lo qu’añade “Por eso creemos que ya es hora de honrarles y de festejarlo. Y para ello es necesario un giro a la programación de la fiesta comarcal. No un giro brusco, sino tranquilo, acercándonos cada vez más a una fiesta que nos haga sentir orgullosos de nosotros como pueblo“.

Antias y despuéis d’estos grupos, la fiesta va estar animada por una gran orquesta y por un gran númaru d’actividades que se van dir desenvolviendo a lo llargo’l día y que desde www.elcabreires.com, cumo mediu oficial diremos cuntándovos a lo llargo d’esti mes que queda pa esti día festivu al qu’achegarán los cabreireses y cabreiresas desde los cinco ayuntamientos.

Deja un comentario

Tu dirección de correo electrónico no será publicada. Los campos obligatorios están marcados con *