Repartu de carteles en locales comerciales de Cabreira cono obxectivu de normalizar l’usu del asturllionés

Restaurante Sabugo

Rest. Sabugo en Quintaniella de Llousada

L’asociación repartiéu la fin de selmana pasada de forma gratuita carteles nos comercios de Cabreira pa facer visible la llengua nos locales públicos

El Teixu (Rede pal Estudiu y Defensa de la Llingua Asturllionesa) encomenzóu nos ayuntamientos de Trueitas y Encinéu una campaña de retulación de locales públicos, baxo’l títulu ‘Na llengua de casa’. L’asociación quier facer visible l’asturllionés y más concretamente’l cabreirés nos llugares onde más se rellaciona la xente, de forma qu’el cabreirés esteya presente con normalidá nesos ámbitos a los que güei nun chega.

Conas miras de normalizar l’usu del asturllionés nos ayuntamientos nomaos, varios collaboradores d’El Teixu repartieron de baldre polos comercios y establecimientos públicos de la zona tres modelos distintos de carteles. Los primeiros sirven pa indicar si los locales están abiertos ou zarraos -“¡Pasade esti sitiu está abiertu!” / “Sentímoslo, esti sitiu está pecháu”-, outros p’aseñalar la dirección na qu’abren las puertas – “tirare” / “emburriare (Nota: en próximas ediciones de carteles esta palabra va ser sustituyida por “empuxare”, palabra más acorde cono dialectu cabreirés)”- y, finalmente, los postreiros estreman los baños de muyieres y d’homes. Están disponibles con diseños y colores variaos pa poder adaptase meyor a la estética de cada local.

Nas comarcas onde l’asturllionés yía llengua propia –cumo aqueilla na que se desenvuelve esta campaña–, l’idioma vive principalmente “en casa”, ausente de rétulos y señalizaciones públicas. Nesas circunstancias yía frecuente confundir los efectos conas causas, y mueitos falantes chegan a pensar que la sua llengua materna nun sirve pa usase nos ámbitos públicos ou formales, ou inclusive s’avergüenzan d’eilla. Nestoncias, parez necesariu fomentar la visualización del cabreirés cumo variante de la llengua asturlleonesa a fin d’amostrala abiertamente y con dignidá, superando desprecios antiguos que tienen que quedar barríos definitivamente d’una sociedá qu’ha de mirar al futuru sin facer de menos la cultura popular heredada de las xeneraciones que nos precedieron.

Con esta campaña El Teixu quier dar un pasu más na defensa de la llengua asturllionesa, amostrando nou solo que sigue viva entre los cabreireses, sinón tamién qu’hai xente dispuesta a usala y facela visible si se-yes da la oportunidá de facelo. Esti llabor, que tendría d’estar faciendo la Junta de Castilla y León y outras alministraciones públicas, queda güei en manos de la voluntá y l’esfuerzu de las asociaciones civiles, pero nou por eillo El Teixu va faltar al sou compromisu cona llengua asturllionesa y los sous falantes.

Carteles La Cuesta

Casa de cultura de La Cuesta

El Teixu, Rede pal Estudiu y Defensa de la Llingua Asturllionesa yía una entidá fundada no añu 2007 n’Estorga por xente de Miranda del Douru, Zamora, Llión y Esturies pa defender l’asturllionés desde la sua unidá y el respetu a las variedades dialectales internas. Pa eillo trabaya faciendo actividades d’estudiu, divulgación y promoción por todu’l ámbitu del idioma.

GLOSARIU
Esteya: Esté.
Güei: Hoy.
Pecháu: Cerrado.
Emburriare: Empujar (a personas).
Estremare: Distinguir, separar.
Nestoncias: Entonces, en tal caso.

One thought on “Repartu de carteles en locales comerciales de Cabreira cono obxectivu de normalizar l’usu del asturllionés”

  1. Pingback: ‘El Teixu’ principia a repartir carteles cumo campaña de normalización del usu del asturllionés | Tierra alantre, la mesma fala
  2. Trackback: ‘El Teixu’ principia a repartir carteles cumo campaña de normalización del usu del asturllionés | Tierra alantre, la mesma fala

Deja un comentario

Tu dirección de correo electrónico no será publicada. Los campos obligatorios están marcados con *