¡Tenemos chaveiros!

L’asociación El Teixu, pal estudiu y defensa de la llengua asturllionesa, pon en marcha una guapa iniciativa na que ficieron chaveiros cona forma de los carteles de Trueitas pa fomentar y recuperar la toponimia tradicional cabreiresa

Chaveiru cono diseñu de los carteles de Trueitas. Foto: El Teixu.

La toponimia popular de los llugares de Cabreira l’Alta lleva yá dous años nas señales de las carreteiras gracias al compromisu del Ayuntamientu y la colaboración d’El Teixu. Ora esta asociación va poner a la venta estos chaveiros pa financiar esta iniciativa que quier chegar a los demás ayuntamientos de Cabreira y a Llión enteiru. Amás, todu’l dineiru recaudáu va sirvir pa reparar los carteles qu’estropioron nos postreiros años con actos vandálicos.

Esti sábadu 8 de santamarina van poder comprase por primeira vez na fiesta de Cabreira que se va celebrar no altu de Piedrafita, entre Sigüeya y Benuza y, d’ende p’alantre, van estar disponibles n’outras fiestas de la comarca y actos d’El Teixu.

Deja un comentario

Tu dirección de correo electrónico no será publicada. Los campos obligatorios están marcados con *