Tilenus Bike Xtreme: Tierra de romanos

Esti diumingu 19 de marciu chega a la sua quinta edición unu de los eventos más importantes pa los amantes de la bicileta de montaña

Cartel de la competición

La Tilenus Bike Xtreme va cuntar con duas pruebas. Una curtia, la TBX de 44 km y 2400 metros de desnivel, que va ser una prueba cronometrada pero nou competitiva. Y una llarga, la TBX RACE de 74 km y 4500 metros de desnivel acumuláu, que nesti casu sí va ser competitiva.

Dambas pruebas van trescurrir polas comarcas de La Valdería, Valduerna y Cabreira l’Alta, tomando cumo puntu de salida y chegada al llugar de Castru (Castrocontrigo). El trazáu de la prueba va pasar polos montes del Picu Talenu y las suas sierras cercanas, pasando por puertos míticos cumo’l Sanguiñal ou la Rasa, cumo se d’una clásica de ciclismu se tratara.

La competición va dir por sendeiros d’especial guapura, cona posibilidá de travesar siete kilómetro s a traviés de Las Murias, las esplotaciones auríferas romanas de Castru, de 20 siegros d’antigüedá. Estiañu tamién podrá pedaliase pola Ruta de las Castañales de Morla, onde s’atopan exemplares milenarios d’impresionantes dimensiones y tamién polas caleyas de Pozos, yá en Cabreira, onde los participantes van poder apreciar la típica arquitectura cabreiresa.

PROGRAMACIÓN DE LA COMPETICIÓN

Día 18

  • 20:00 h. Charra Técnica (Ruegos y perguntas), no local de la J.V. de Castru, detrás del Ayuntamientu.
  • 20:30 h. Entrega de Dorsales y bolsa del Biker, no Almacén de Nistal González, S.L.

Día 19

  • 7:00 h. a 8:40 h. Entrega de dorsales y bolsa del Biker, no Almacén de Nistal González,S.L
  • 8:40 h. a 8:55 h. Pequeña charra técnica (baxo’l arcu de salida).
  • 09:00 h. Salida dambas pruebas desde la caleya Río Eria.
  • 13:00 h. Previsión de chegada de los primeiros participantes ruta “B” (la curtia).
  • 14:00 h. a 14:30 h. Previsión de chegada de los primeiros participantes ruta “A” (la llarga)
  • 17:00 h. Previsión de chegada de los postreiros participantes.

Deja un comentario

Tu dirección de correo electrónico no será publicada. Los campos obligatorios están marcados con *