Una esposición de traxes de Cabreira y conciertu en Villar

VillarLa “VI muestra de Oficios tradicionales” principia cuna amuestra de las roupas representativas de Cabreira que podrá vese desde esti sábadu no museo del encaxe de la localidá, encargado de preparar la esposición pa oufiertala a los ciudadanos.

Una esposición p’aqueillos curiosos que quieran cuñocer de cerca los traxes más típicos de Cabreira. Cun roupas sosprendentes, dalgunas más humildes qu’outras. Na esposición d’Indumentaria preséntanse varios traxes completos y mueitas piezas sueltas. Trátase de piezas testigu atopadas en distintas casas y mueitas d’eillas apurrídas pulos vecinos de Villare. Poucu a poucu foronse restaurando y conformando distintos traxes pa distintas ocasiones: festivos, de trabayu y sobre todu hai dalgunas mantiellas utilizadas pa distintos usos.

Pula tarde, a las 16:30, y pa los más rapaces, hai programada una actividad pa cuñocer la localidá a traviés de los sentius cunas gafas y unos bastones, feita pur D. Enrique Sánchez.

A las 19:00, Natividad Villoldo, directora del Museo del Encaje de Castilla y León cun see en Tordesillas, va falar de la indumentaria propia de la comarca Cabreiresa y va presentar “cinco Mandiles de Cabrera”. Villoldo afirma que «está dirigido a todo cabreirés y cabreiresa que desee trabajar para la recuperación de la indumentaria tradicional».

Yá’l diumingu a las 11:00 hay programada outra actividá pa los rapaces faigan un taller textil. Pula tardiquina, a las 17:00 horas visitará’l grupu de música tradicional “Cantar de crines” pa oufrecer su visión particular del mundo folk y los sous instrumentos cuno conciertu na ermita de Ntra. Sra. de Guadalupe.

Y cumu broche final d’esti diumingu cultural, hai programada una visita guiada al llugar, payares, llouxaus, y museos de la localidá, preparada pur Juan Manuel Martínez, Natividad Villoldo y José Luis González.

Deja un comentario

Tu dirección de correo electrónico no será publicada. Los campos obligatorios están marcados con *