El V Magostu Ambulante de Cabreira chega a Truitiellas

Los días 31 d’outubre y 1 de los santos vuelve la V edición del Magostu Ambulante, estiañu cuna ideya de recordar el 25 aniversariu de la declaración de Monumentu Ñatural del llagu de Truitiellas

MagostuYá van 5 años nos que pur velías se va faciendo esti magostu cultural qu’organizan las 8 asociaciones culturales de Cabreira Alta. Dende esti periódicu queremos da-ye importancia al valor y riqueza cultural qu’aquestas asociaciones llevan años apurriendo, yá nou solo a Cabreira Alta, sinóu a toda Cabreira, pulo que sería interesante qu’esta facendeira en común se ficiera estensible a outras asociaciones cabreiresas, aumentando asina la oufierta cultural, la sociabilidá y la calidá de vida de los puebros.

Nesta oucasión el tema central del Magostu Ambulante va dir en redor del 25 aniversariu de la declaración de Monumentu Ñatural del llagu de Truitiellas, y pa eillo’l xeólogu Javier Fernández Lozano va descubrinos los procesos xeolóxicos que moldiorun esti llagu.

La ciencia va siguir estando bien presente durante todu’l magostu, yá que gracias a la educadora Judit Molero Guerra vamos tener la oportunidá de participar en familia nún taller de ciencia onde se van facer divertíos esperimentos sobre las fuerzas gravitatorias y que va estar dirixíu a los rapaces, pulo que promete ser bien entreteníu.

Pur outru llau vamos cuntar cuna participación de l’Asociación de Pendoneros de León, y el sou representante José Antonio Ordónez va apurrinos la documentación histórica atopada nel Archivo Diocesano de Astorga que fa referencia a los puebros de Pozos, Corporales y La Cuesta, tal que yá se ficiera nel magostu del añu pasáu cuna información de los pondones d’Iruela y Cunas. Gracias a aqueilla guapa iniciativa Iruela pudo pidir la subvención pa recuperar el sou pondón.

Estiañu va ser un magostu cultural muei completu, onde la lliteratura y la llengua asturllionesa van chegar de la mano del poeta orbigués Fran Allegre, quien nos presentará la sua antoloxía poética “Deixando’l cuerpu”. Y tamién vamos poder esfrutar de la música tradicional cunel grupu “Cantar de crines”, y pur supuestu… del rico sabor de las castañas asadas.

 

Programación del V Magostu Ambulante:

Día 31’Outubre:

  • 16:00 Actu d’entrega de documentación de los pondones de los puebros de Pozos, Corporales y La Cuesta.
  • 17:00 Proyección de los vídeos:
    • Pondón de Truitiellas.
    • Carreira de Truitiellas.
    • Aniversariu del Monumentu Ñatural.
  • 17:45 Charra “Xeomorfoloxía sobre’l llagu de Truitiellas. 25 años de monumentu ñatural”.
  • 18:30 Conciertu tradicional “Cantar de Crines”.
  • 20:00 Magostu Musical.

Día 1 de Los Santos:

  • 12:00 Charra presentación del llibru de Fran Allegre “Deixando’l cuerpu”.
  • 12:30 Taller de ciencias pa rapaces y familias “Estrema gravedá”.

Deja un comentario

Tu dirección de correo electrónico no será publicada. Los campos obligatorios están marcados con *