Valdesotu n’Esturias acueye a lus Campaneirus de La Cuesta

 

Los campaneiros na concentración de mazcaradas de Valdesoto de Siero (Asturias)

Lus campaneirus na concentración de mazcaradas de Valdesotu de Siero (Esturias)

La tradición recuperada de las mazcaradas d’enviernu vuelve a Siero. Pur tres días, el conceyu acueye’l sábadu las actividades alredor del desfile de Mazcaradas de Pola, y el diumingu en Valdesotu, onde van participar grupus de dientru y fuera del país, unu d’eillus, lus Campaneirus de La Cuesta

L’Asociación pa la Recuperación de Los Sidros y Les Comedies ‘El Cencerru’ yie’l colectivu qu’organiza, las “IX Xornaes de Mazcaraes d’Iviernu”, qu’esti añu tienen cumu atracción principal la presencia de La Vijanera, de Silió (Cantabria), y l’Entroido de Viana do Bolo qu’está declaráu Fiesta d’Interés Turísticu Nacional cunus Boteiros. Estus dous grupus van encargase d’animar el desfile del sábadu pur Pola de Siero, no que tamién van participar las mazcaraes asturianes Os Reises de Tromaleo (Ibias – Esturias), Zamarrones de Piasca (Liébana-Cantabria), los aguilandeiros de San Xuan de Villapañada (Grau – Esturias), las Talanqueiras y Visparros de San Martin de Castañeda (Sanabria-Zamora), el Jarramplas del Piornal (Cáceres) y los Caretos de Lazarim (Lamego-Portugal) amás de Los Sidros y Les Comedies de Valdesotu. Completa l’eventu la ñuesa representación cabreiresa cunus Campaneirus de La Cuesta. La salida está prevista pa las 17 horas del Auditoriu de Pola. Pal diumingu, repetirán desfile pur la parroquia de Valdesotu a las 12 horas dende’l campu de fútbol.

L’actividá d’esta fin de semana complétase’l vienres cuna celebración, a partir de las 19.30 horas, de las charras “Mazcaraes de Cine” no Centru Polivalente de Valdesotu, que van estar presentadas pul periodista Naciu Varillas. Nestas charras podran vese dalgunus documentales de las mazcaradas peninsulares.

Dende la organización, convidan a todu’l mundu a participar nos eventus programaus pa la fin de semana y a “revestise de la forma tradicional” pal desfile. “Les persones que s’averen a Valdesoto van poder ver a les mazcaraes más tradicionales y ancestrales. Trátase d’un desfile con munchu colloríu, munchu soníu y munchu ruíu onde participen mazcaraes impresionales”, afirma Pablo Canal Rodríguez, d’El Cencerru, que destaca la presencia de mueitus grupus de fuera d’Esturies.

Esta edición va completase cun outras actividades, cumu conciertus no auditoriu de Pola de Siero ou cun 55 expositores, 14 d’eillus chegaus de Portugal, na praza d’Abastos de la mesma localidá na cuarta edición del Alcuentru Astur-Lusu.

Deja un comentario

Tu dirección de correo electrónico no será publicada. Los campos obligatorios están marcados con *