Un ñuevu llibru rescata hestorias escondídas de Cabreira

portadaxepe

Portada del llibru

La reflexiva investigación de Xepe Valle y la pruma exercitada, comprometida cono llenguaxe, dan cumo resultáu un conxuntu de capítulos que nos convida a recuñecenos na “Mitoloxía y simbolismu alredor de la ñaturaleza y l’arquitectura tradicional de Cabreira (Llión)”

Cabreira cunta desde esti xueves con un ñuevo llibru. Trátase de la primeira publicación del autore, Xepe Valle Carrera, y supón una inmersión na mitoloxía y nas lliendas que dan coloríu y alimentan la ñuesa alegoría rural. Valle Carrera ñaciéu en Vitoria-Gasteiz no añu 1977, y yía un gran apasionáu pula tierra ñatal de los sous padres, Cabreira. Forma parte d’una de las tantas familias cabreiresas que na década de los años 60, afuxendo d’un país con pouco futuru, tuvo qu’emigrar en busca de trabayu, primeiro a Bélxica cumo inmigrantes sin papeles y sin cuñecer l’idioma, y despuéis de regresu al País Vascu onde la familia prantóu las suas rayíces.

Valle pertenez a esa diáspora de cabreireses obstinaos en nun deixar morrer las alcordanzas, costumes y tradiciones d’esta tierra sosprendente, dacuando olvidada y humillada, pero depositaria d’un patrimoniu cultural de valor incalculable.

xepefoto

L’autor, Xepe Valle

Publicáu pola editorial leonesa Cultural Norte, y apoyáu por esti periódicu, esti llibru va ser presentáu’l 11 de santamariña na Fiesta de Cabreira de manos del propiu autor y acompañáu por Nicolás Bartolomé Pérez, presidente de l’Asociación Cultural Faceira, que tanto él cumo dita asociación amuestran todu’l sou apoyu a esti tipu de publicaciones.

Mitoloxía y simbolismu alredor de la ñaturaleza y l’arquitectura tradicional de Cabreira (Llión), “Ñaciéu cumo una invitación al autor pa facer un artículu sobre dalgún aspectu relevante de la tradición cabreiresa, pero lo cierto yía que la obra que presentóu Xepe superóu con mueito’l marcu inicialmente propuestu porque’l resultáu final foi un estudiu maravillosu qu’abranca numarosos ámbitos de la cultura popular de Cabreira y que, pol sou interés, merecía la pena editase en forma de llibru”, afirmóu Nicolás Bartolomé.

Bartolomé continua diciendo que “la notable arquitectura cabreiresa yía l’eixe que-ye sirve al autor pa dir teciendo una interpretación de la cultura de la comarca, una de las más singulares del noroccidente peninsular” y añede “el contraste entre la descripción minuciosa de la cultura material representada polas construcciones locales (la vivienda y las suas tipoloxías, materiales y dependencias, del fornu a los payeiros), y l’análisis del patrimoniu inmaterial de Cabreira, centráu na tradición oral y d’un xeitu especial nas tradiciones míticas, nas creyencias y nas fiestas cíclicas del añu, permite comprender meyor la complexidá d’una cultura milenaria que chegóu hasta los ñuesos días; y la sua compresión yía esencial pa poder valorala y conservar aqueillos de los sous elementos más relevantes.”

A lo último, Nicolás Bartolome destaca que “la propia llengua na qu’está redactada la obra, la variedá cabreiresa del llionés, constituye unu de los rasgos culturales fundamentales de la tierra, pero que foi, y desgraciadamente yía, obxectu d’un fuerte desprestixu dende hai siegros pa los sous falantes”, pa rematar con que “trabayos cumo’l de Xepe Valle son el meyor llizaz pa escomenzar a construir una nueva visión de la ñuesa llengua amostrando al cabreirés cumo lo que yía: una ferramienta de comunicación y de cultura. En definitiva, estamos ante un llibru imprescindible feitu dende’l rigor, l’amor a la tierra de los padres y el compromisu con Cabreira y las suas xentes.”

Pa todu aquel llector qu’estea interesáu, el llibru podrá adquirise el día 11 de xuliu en Ñogare ou tamién na ñuesa Tienda.

6 thoughts on “Un ñuevu llibru rescata hestorias escondídas de Cabreira”

  1. Pingback: La lengua cabreiresa toma protagonismo en las redes – El Cabreirés
  2. Trackback: La lengua cabreiresa toma protagonismo en las redes – El Cabreirés
  3. Pingback: Cabrera, una tierra cerca de las estrellas – El Cabreirés
  4. Trackback: Cabrera, una tierra cerca de las estrellas – El Cabreirés
  5. Pingback: “Un lugar de Cabrera de cuyo nombre no quiero acordarme” – El Cabreirés
  6. Trackback: “Un lugar de Cabrera de cuyo nombre no quiero acordarme” – El Cabreirés
  7. Pingback: El Bruxu, una tradición navideña muy cabreiresa | El Cabreirés
  8. Trackback: El Bruxu, una tradición navideña muy cabreiresa | El Cabreirés
  9. Pingback: Mitoloxía y simbolismu alredor de la ñaturaleza y l’arquitectura tradicional de Cabreira (Llión), de Xepe Valle Carrera | Na lluna hai una vieya filando
  10. Trackback: Mitoloxía y simbolismu alredor de la ñaturaleza y l’arquitectura tradicional de Cabreira (Llión), de Xepe Valle Carrera | Na lluna hai una vieya filando
  11. Pingback: Un ñuevu llibru rescata hestorias escondídas de Cabreira | Tierra alantre, la mesma fala
  12. Trackback: Un ñuevu llibru rescata hestorias escondídas de Cabreira | Tierra alantre, la mesma fala

Deja un comentario

Tu dirección de correo electrónico no será publicada. Los campos obligatorios están marcados con *